Fasteignamarkaðurinn í Osló hefur hrunið í haust

Það er víðar en á Íslandi þar sem frost ríkir á fasteignamarkaðnum. Í Osló í Noregi hefur fasteignamarkaðurinn hrunið í haust. Sala á eignum hefur minnkað um 33% frá því í október og um 60% frá því á sama tíma í fyrra.

Samkvæmt frétt um málið á vefsíðunni E24.no voru 610 íbúðir seldar í Osló í nóvember á móti 910 í október og 1.505 í nóvember í fyrra.

Ástandið á fasteignamarkaðnum í Noregi er verst í Osló en í landinu í heild hefur sala á eignum minnkað um 45% frá því í fyrra.

Ástæðan fyrir þessu hruni er fjármálakreppan og óviss framtíð í efnahagsmálum landsins. Samhliða minnkandi sölu hefur verið á fastiegnum lækkað. Og sérfræðingar sem E24.no ræddi við telja að botninum sé ekki náð.

Það sem af er árinu hefur fasteignaverð lækkað um 9% að meðaltali og reiknað er með að það lækki um önnur 10% á næsta ári.