Senna nafnið aftur í Formúlu 1

Brasilíumaðurinn Bruno Senna, systursonur hins fræga Ayrton Senna gæti verið á leið í Formúlu 1.

Bruno Senna hefur keppt í GP 2 mótaröðinni í ár og varð í öðru sæti á eftir Giorgio Pantano frá Ítalíu. GP 2 er næsta mótaröð fyrir neðan Formúlu 1.

Frændi hans Ayrton lést á Imola brautinni árið 1994 og eftir það bannaði móðir hans honum að æfa kappakstur, sem hann byrjaði í ungur að aldri. En síðar héldu engin bönd Senna og hann flutti til Evrópu til að stunda kappakstur.i Hann hefur notið góðs stuðning Gerrhard Bergers, framkvæmdarstjóra Torro Rosso.

,,Ég tel mig eiga ágæta möguleika á að komast í Formúlu 1 á næsta ári. Annaðhvort sem ökumaður eða þróunarökumaður. En samkeppnin er mikil og ég þarf að semja rétt", segir Senna um málið.

Torro Rosso er meðal liða sem hafa verið í viðræðum við Senna, en Takuma Sato, Sebastian Buemi og Sebastian Bourdais koma allir til greina hjá liðinu. En Senna á einnig möguleika hjá öðrum liðum og næstu vikur leiða í ljós hvar hinn 24 ára gamli frændi Ayrtons lendir sæti.

Sjá nánar á kappakstur.is