Segir Eystrasaltsríkin geta farið sömu leið og Ísland í kreppunni

Þar er vitnað til skýrslu Danske Bank um fjármálakreppuna þar sem spurt er hvaða land verði næst til að falla. Segir Danske Bank að Ungverjaland hafi verið nefnt til sögunnar en önnur ríki sem eigi ýmislegt sameiginlegt með Íslandi.

Þar á meðal séu Eystrasaltsríkin sem eru á lista Danske Bank yfir ríki á hættusvæði eins og það er kallað. Þar sé hættan á töluverðum samdrætti og fjármálakreppu meðal annars vegna viðskiptahalla, skuldasöfnunar og húsnæðisbólu á undanförnum árum. „Það er ekki víst að þessi lönd muni upplifa sams konar hrun og Íslendingar en við teljum að markaðsaðilar verði að vera varkárir á þessum mörkuðum," segir Danske Bank.

Undir orð sérfræðinga Danske Bank tekur breska rannsóknarfyrirtækið Capital Economics sem þó bendir á að Alþjóðagjaldeyrissjóðurinn geti komið þessum löndum til aðstoðar.