Japanir hefja björgunaraðgerðir í Asíu

Það er að harðna á dalnum í Asíu. Vöxtur í iðnframleiðslu í Kína er til dæmis kominn niður í það lægsta sem sést hefur í sjö ár.

Á Vesturlöndum hefur einmitt verið litið til Kína að leggja sitt af mörkum til þess að reyna að stöðva niðursveifluna á alþjóðamörkuðum.

Bandarísk stjórnvöld tilkynntu í gær að þau myndu ekki kaupa svokallaðar eitraðar skuldbindingar þar í landi. Það er mál manna að það muni hafa áhrif út um allan heim.

Þessar eitruðu skuldbindingar eru á húsnæðismarkaðinum í Bandaríkjunum en það voru einmitt þær sem hrundu kreppunni af stað.

Vísitölur lækkuðu um alla Asíu í dag. MSCI Kyrrahafsvísitalan lækkaði um 4,7 prósent og hefur þá lækkað um heil 48 prósent á þessu ári.

MSCI Kyrrahafs vísitalan lækkaði um 4,7% í dag og hefur nú lækkað um 48% það sem af er þessu ári.

Nikkei vísitalan í Japan lækkaði um 5,3%,

Í Hong Kong lækkaði Hang Seng vísitalan um 5,2% og í Kína fór CSI 300 vísitalan niður um 4%.

Straits vísitalan í Singapúr lækkaði um 2,8% og í Ástralíu lækkaði S&P 200 vísitalan um 5,9%.

Japanar ætla að leggja Alþjóða gjaldeyrissjóðnum til um 100 milljarða dollara til þess að styðja við efnahag þróunarlanda. Það eru um þrettán þúsund og áttahundruð milljarðar króna.