Methækkun á hlutabréfamarkaði í Evrópu

Hlutabréfamarkaðir í Evrópu tóku heldur betur við sér í dag eftir að tíðindi bárust af björgunaraðgerðurm fjölmargra ríkja í núverandi bankakreppu.

FTSEurofirst 300 vísitalan, sem endurspeglar hlutabréfaverð stórra fyrirtækja í Evrópu, hækkaði um 9,2 prósent í dag sem er methækkun á einum degi. Vó hækkunin þar með upp lækkun upp á 7,6 prósent í Evrópu á föstudag.

Ríkisstjórnir Bretlands, Þýskalands, Frakklands og Ítalíu kynntu í dag aðgerðir sínar en þær miðað að því að treysta stöðu banka sem glíma við lausafjárskort. Meðal einstakra fyrirtækja á markaði hækkaði Credit Suisse einna mest, eða um 28 prósent, og þá hækkaði ING Group um 20 prósent og Allianz um 14 prósent.