Force India að semja við Mercedes

Milljarðamæringurinn Vijay Mallay segir að Force India lið sitt sé á góðri leið með að klára samning við Mercedes um vélakaup fyrir næsta ár. Force India hefur notað Ferrari vélar til þessa.

Ferrari sér í dag Torro Rosso og Force India liðinu fyrir vélum og það hefur veirð búbót fyrir Ferrari að selja vélar frá sér. En nú vill Mallay fá Mercedes vélar og þær verða í boði á 10 miljónir evra á næsta ári, samkvæmt nýju samkomulagi sem FIA og keppnislið gerðu með sér í vikunni.

Lið sem frameliða vélar geta keypt 25 vélar á ári hverji, en 2009 verða vélar að endast þrjú mót í stað tveggja í ár. Þetta samkomulag er gert til að minnka kostnað og til að gefa efnaminni liðum færi á vélum fyrir minni peninga en ella.

Mercedes vélin hefur reynst traustari en Ferrari vélin, en þó bilaði vélin í Japan hjá Heikki Kovalainen. Bretinn Mike Gascoyne hannar bíla Force India fyrir næsta ár. Giancarlo Fisichella og Adrian Sutil hafa verið staðfestir sem ökumenn Force India á næsta ári.