Steve-O kominn í meðferð

Útúrdópaði prakkarinn Steve-O úr Jackass genginu hefur játað að hafa verið með kókaín á heimili sínu þegar hann var handtekinn fyrir skömu. Mál á hendur honum hefur verið látið niður falla eftir að hann játaði þar sem hann er kominn í meðferð.

Steve-O sem heitir réttu nafni Stephen Glover er einn af fjölmörgum íslandsvinum en hann kom hingað til lands með "genginu" fyrir nokkrum árum. Þá voru þeir með sýningu í Háskólabíó og tóku upp nokkur atriði.

Steve-O var handtekinn á heimili sínu eftir að hann hafði átt í hatrömmum deilum við nágranna sinn vegna girðingar.

„Hann er í meðferð núna," sagði Barry Gerald Sands lögfræðingur prakkarans.

Eftir að Steve-O setti myndband af deilum sínum við nágrannann á heimasíðu sína var hann lagður inn á geðsjúkrahús.