Búið að selja Glitnir Securities í Noregi

Dótturfélag Glitnis í Noregi, Glitnir Securities, hefur verið selt til verðbréfafyrirtækisins RS Platou.

Greint er frá þessu í Hálf fimm fréttum greiningar Kaupþings. Þar segir að félagið yfirtekur 50,01% hlut starfsmanna í Glitni Securities og í kjölfarið verður nafni félagsins breytt í RS Platou Markets.

Þegar viðskiptin hafa gengið í gegn munu starfsmenn RS Platou Markets eiga 49,99% hlut í félaginu. Söluverð Glitnis Securities er ekki gefið upp. Undir lok árs 2005 keypti Glitnir Norse Securities og var nafninu síðar breytt í Glitnir Securities.