Candy-bræðurnir að tapa Lotus-verkinu í Beverly Hills

Candy-bræðurnir bresku og Richard Caring eru nú að tapa Lotus-verkefni sínu í Beverly Hills verkið samanstendur af 200 lúxusíbúðum auk verslana og veitingahúsa. Credit Suisse hefur gjaldfellt 350 milljón dollara lán til Lotus en Kaupþing átti að greiða 60% af láninu.

Í fyrra keypti Kaupþing ásamt fyrrgreindum samstarfsaðilum stóra lóð undir byggingu Lotus fyrir 500 milljónir dollara eða sem svarar rúmum 50 milljörðum kr. Ennfremur var Kaupþing stærsti fjármögunaraðili þeirra bræðra og Caring við byggingu fyrrgreindra íbúða.

Lánið var á gjalddaga í upphafi mánaðarins og síðan þá hefur Candy-bræðrunum og Caring ekki tekist að fá annan aðila til að koma inn í verkið í stað Kaupþings.

Fjallað er um málið í The Wall Street Journal. Segir þar að nær vonlaust hafi verið fyrir Candy-bræðurnar að fá áframhaldandi fjármögun fyrir Lotus sökum þess hve fasteignamarkaðurinn í Bandaríkjunum er í mikilli lægð.

Hvort talsmenn Candy-bræðra né Credit Suisse vildu tjá sig um málið í gær.