Hilco skipað til að reka bú The Pier eftir greiðslustöðvun

Hilco, sem sérhæfir sig í að endurreisa fyrirtæki, hefur verið skipað til að reka áfram bú húsgagnakeðjunnar The Pier í Bretlandi eftir að Pier fór í greiðslustöðvun í gær. Pier er í eigu Lagersins sem er aftur í eigu Jákups Jacobsen, sem oftast er kenndur við Rúmfatalagerinn.

Samkvæmt frétt um málið í The Financial Times er fall The Pier dæmigert fyrir verlsunargeirann í Bretlandi sem nú glímir við verstu kreppu sína í 30 ár sökum mikils samdráttar í einkaneyslu meðal almennings.

The Pier rak 50 verslanir í Bretlandi. Sem fyrr segir hefur Hilco verið skipað sem rekstraraðili fyrir verslanirnar en skiptastjórinn verður Mazars.

Önnur húsgagnakeðja í eigu Lagersins, Ilva, fór í greiðslustöðvun fyrr í haust. Lagerinn keypti Ilva í ágúst á síðasta ári og hafði upp háar hugmyndir um að stækka og efla fyrirtækið.