Bréf hækka í Asíu

Hlutabréf hækkuðu í verði á Asíumörkuðum í morgun og er það í fyrsta skipti í þessari viku sem það gerist. Skýringin er aðstoð seðlabanka nokkurra landa álfunnar við atvinnulífið, meðal annars í formi sveigjanlegri lánaskilyrða gagnvart viðskiptabönkum.

Í Ástralíu hækkuðu hlutabréf í kjölfar neyðarláns seðlabankans þar í landi til Westpac-bankans. Taílenska SET-hlutabréfavísitalan hækkaði um 2,6 prósentustig eftir að stjórnarandstæðingar þar létu af aðgerðum á flugvöllunum í Bangkok. Von er á að fyrstu flugvélarnar lendi á alþjóðaflugvellinum þar klukkan níu í dag.