Belgar vilja hjálpa Kaupþingi - Forsætisráðherrann á leið til landsins

Forsætisráðherra Belga er á leið til landsins á föstudaginn til þess að ræða við hérlend yfirvöld um það hvernig Belgar geti aðstoðað Íslendinga í þeim vandræðum sem nú eru uppi.

Fjármálaráðherra Belga sagði á blaðamannafundi í dag að ríkisstjórnin væri albúin til þess að bjarga Kauptþingi, en þúsundir Belga óttast nú um innistæður sínar í útibúi bankans í Belgíu. „Við erum að athuga hvernig við getum aðstoðað í gegnum inngrip Alþjóðagjaldeyrissjóðsins," sagði fjármálaráðherrann Didier Reynders. „Við erum staðráðnir í því að sjá til þess að bankinn starfi áfram þannig að allir sparifjáreigendur haldi sínum fé."

Hann sagði einnig að forsætisráðherrann Yves Leterme myndi hitta Geir Haarde á fundi á föstudag.