Franski fjársvikarinn hjá SocGen segist ekki á flótta

Jérome Kerviel verðbréfasalinn hjá franska bankanum SocGen, sem sveik út nær 500 milljarða kr., segir að hann sé ekki á flótta. Jafnframt fylgir sögunni að hann sé reiðubúinn að ræða við lögregluna sé þess óskað.

Þetta kom fram í yfirlýsingu frá lögmanni Jérome seint í gærkvöldi. Saksóknarinn í París hefur hafið rannsókn á fjársvikinum. Jafnframt er fjöldi af hluthöfum í SocGen nú að undirbúa málsókn á hendur bankanum vegna fjársvikanna.

Sarkozy forseti Frakklands, sem nú er staddur á Indlandi, hefur gefið út yfirlýsingu um málið. Forsetinn segir að um innherjasvik hafi verið a ræða sem hafi ekki áhrif á stöðugleika efnahagslífsins í Frakklandi.