Sterling flugfélagið endurreist

Það var danska flugfélagið Cimber sem keypti Sterling til að endurreisa það.

Í tilkynningu um kaupin segir Jörgen Nielsen forstjóri Cimber að með þeim sjái félagið einstakt tækifæri til þess að styrkja stöðu sína sem leiðandi félag í innanlandsflugi í Danmörku.

Jafnframt geri þetta kleift að fjölga áætlunarstöðum í Evrópu.

Það sem Cimber kaupir er flugrekstrarleyfi Sterling, flugleiðir félagsins og nafn þess. Flugvélar og mannskapur er hinsvegar ekki með í kaupunum.

Sterling mun fljúga áfram undir eigin nafni og sem sjálfstætt starfandi félag. Cimber býst við að einhverjir starfsmenn félagsins sem misstu vinnuna þegar það var gjaldþrota verði endurráðnir.