Kaupþing vildi fá íslenska greiðslustöðvun viðurkennda

Kaupþing banki hf. lagði þann 30. nóvember 2008 inn beiðni samkvæmt 15. kafla bandarísku gjaldþrotalaganna, í þeim tilgangi að fá greiðslustöðvun bankans, sem veitt var af Héraðsdómi Reykjavíkur, viðurkennda í Bandaríkjunum.

Í tilkynningu um málið segir að markmið beiðninnar er að vernda eignir bankans í Bandaríkjunum, en sú vernd er svipuð þeirri vernd sem greiðslustöðvun veitir á evrópska efnahagssvæðinu, samkvæmt ESB tilskipun 2001/24/EB um endurskipulagningu og slit lánastofnana, í þeim tilangi að hámarka verðmæti eigna og tryggja sanngjarna skiptingu verðmæta á milli kröfuhafa.

Með ákvörðun dómstóls í Bandaríkjunum þann 1. desember var bankanum jafnframt veitt bráðabirgðavernd samkvæmt bandarísku gjaldþrotalögunum.