Hagnaður Unibrew minnkar og forstjórinn hættir strax

Bruggverksmiðjurnar Royal Unibrew hafa skrúfað niður fyrir væntingar um hagnað ársins og um leið hættir forstjóri félagsins strax. Stoðir eiga um 25% í Unibrew sem eru næststærstu bruggverksmiðjur Danmerkur.

Hlutabréf í Unibrew féllu um 18% eftir að þessar fregnir bárust í dag. Jafnframt hættir Poul Möller forstjóri félagsins strax í dag og Henrik Brandt tekur við stöðunni.

Upphaflega vænti Unibrew þess að hagnaður ársins, fyrir skatta, yrði allt að 260 milljónir dkr. eða sem svarar til ríflega 5 milljarða kr. Nú er Þess væntst að hagnaðurinn verði nær 200 milljónr dkr. eða tæplega 4 milljarðar kr.