Fimmtíu umferðaróhöpp

Um fimmtíu umferðaróhöpp urðu á höfuðborgarsvæðinu síðastliðinn sólarhring. Öll voru þau minniháttar, bílar að renna til í hálku. Lögregla höfuðborgarsvæðisins tekur fram að enginn ætti að vera á sumardekkjum í þessari færð sem nú er í borginni.

Þá voru sex teknir grunaðir um ölvun við akstur síðasta sólarhringinn en nóttin var róleg og fáir á ferli í miðborginni. Svo lítið var um að vera að jafnaðist á við þriðjudagsnótt í miðri viku að sögn þeirra sem voru á vakt. Á Akureyri var einn tekinn fyrir ölvunarakstur.