FL Group með fullnýtta heimild í Glitni

FL Group bætti við sig um 2,59 prósent hlutafjár í Glitni banka fyrir um 10,5 milljarða króna í dag. Viðskiptin fóru fram á genginu 28,46 krónur á hlut en samtals var um að ræða um 369,9 milljónir króna að nafnverði. FL Group og fjárhagslega tengdir aðilar þess á nú rétt tæplega 33 prósent hluta í bankanum.

Greiningardeild Kaupþing bendir á það í Hálffimmfréttum sínum í dag að FL Group hafi þar með fullnýtt sér nýlega fengna heimild frá Fjármálaeftirlitinu frá í janúar til að fara með virkan eignarhlut allt að 33 prósent í bankanum.