Mosley: Hamilton gæti haft slæm áhrif

Max Mosley segir að ökuþórinn Lewis Hamilton gæti haft neikvæð áhrif á Formúluna, líkt og Michael Schumacher gerði á sínum tíma.

Mosley er forseti Alþjóða akstursíþróttasambandsins (FIA) og segir að með áframhaldandi góðu gengi muni Hamilton hafa mikil áhrif á íþróttina.

„Það gæti orðið neikvætt þar sem ég býst við því að fólk skrifi mér og spyrji hvort ég geti ekki gert eitthvað til að halda aftur af honum," sagði hann og kallaði þetta Schumacher-áhrifin.

Hann sagði að einnig hafi verið tilhneyging til að gera of mikið úr hlutverki Hamilton í Formúlunni.

„Það er alltaf einhver nýr. Ef það væri ekki hann þá væri það Rosberg, Kubica eða jafnvel Vettel."

Hann taldi líklega afar ólíklegt að Hamilton yrði gerður að heimsmeistara þegar fundað verður í næsta mánuði um úrslit lokamóts ársins í Brasilíu.