Alonso vill losna frá Hamilton

Spænski ökuþórinn Fernando Alonso vill ekki vera liðsfélagi Lewis Hamilton á næsta ári. Deilur þeirra tveggja hefur skapað mikla spennu innan raða McLaren. Renault hefur boðið Alonso að koma til baka.

"Ef þú færð heimsmeistara til þín verðurðu að hafa hann sem aðal-ökumann. Ég hef sagt Alonso það að hann sé velkominn aftur til baka þegar hann hættir hjá McLaren," sagði Flavio Briatore hjá Renault.

Annars er það að frétta úr Formúlu-1 að Ralf Schumacher mun hætta hjá Toyota eftir tímabilið. Hann hefur verið hjá þessum japanska bílasmiði í þrjú ár en hefur ekki gefið það út hvert hann ætlar.