Brugðust starfsskyldum sínum og hluthöfum í Baugi 27. mars 2007 17:11 MYND/GVA Sigurður Tómas Magnússon, settur saksóknari í Baugsmálinu, sagði að með sjálfsafgreiðslum á lánum, brotum á bókhaldslögum og fjárdrætti hefðu Jón Ásgeir Jóhannesson, forstjóri Baugs, og Tryggvi Jónsson, fyrrverandi aðstoðarforstjóri fyrirtækisins, brugðist starfsskyldum sínum og hluthöfum í Baugi þegar félagið var á markaði. Saksóknari lauk munnlegum málflutningi sínum í málinu nú skömmu fyrir klukkan fimm. Í lokaorðum sínum benti Sigurður Tómas á að til refsiþyngingar í málinu mætti horfa að um trúnaðarbrot hefði verið að ræða gegn almenningshlutafélagi og að brot Jóns Ásgeirs og Tryggva snerust um mjög háar upphæðir. Þeir hefðu ekki sýnt samvinnu í málinu og því væri ekki hægt að líta til þess til refsilækkunar. Brot tvímenninganna í málinu hefðu verið til þess fallin að valda ótilgreindum fjölda kaupenda hlutabréfa tjóni. Um þátt Jóns Geralds Sullenbergers, en hann er ákærður fyrir að aðstoða við brot með því að gefa út tilhæfulausan kreditreikning frá Nordica sem færður var til tekna hjá Baugi á miðju ári 2001, sagði Sigurður Tómas að Jón Gerald virtist ekki hafa haft hag af brotinu en hann hefði reynst samvinnuþýður við að upplýsa önnur alvarleg brot. Hann hefði jafnframt lagt á sig mikið erfiði og tekið mikil skakkaföll til þess að upplýsa brot manna sem hann var lengi í vinfengi við. Sigurður hafði fyrr í dag fjallað um 14.,15. og 16. ákærulið málsins sem snúa að meintum bókhaldsbrotum Jóns Ásgeirs og Tryggva en Jón Gerald er einnig ákærður samkvæmt 15. ákærulið. Sagði saksóknari að 15. og 16. ákæruliðir, sem snúa að meintum tilhæfulausum kreditreikningi frá Nordica til Baugs upp á tæpar 62 milljónir króna og meintri tilhæfulausri kredityfirlýsingu frá færeyska fyrirtækinu SMS upp á rúmar 46 milljónir króna sem færðar voru í bókhald Baugs um mitt ár 2001, væru alvarlegustu bókhaldsbrotin í málinu enda teldi hann ljóst út frá gögnum að engin viðskipti hefðu legið að baki þeim. Sagði að jafnvel þótt kredityfirlýsingin frá SMS í Færeyjum hefði verið bakfærð síðar á árinu 2001 hefði hún haft áhrif á afkomutölur Baugs á fyrri helmingi ársins og þannig hugsanlega á viðskipti með bréf félagsins á markaði. Sigurður Tómas fjallaði jafnframt ítarlega um 18. ákærulið endurákærunnar en þar er Jóni Ásgeir og Tryggva gefið að sök að hafa dregið Fjárfestingarfélaginu Gaumi fé frá Baugi til þess að fjármagna rekstur og afborganir af skemmtibátnum Thee Viking. Um er að ræða 31 reikning sem saksóknari heldur fram að hafi verið mánaðarlegar greiðslur vegna bátsins á árunum 1999 til 2002 en sakborningar segja það hafa verið styrktargreiðslur vegna starfs Nordica fyrir Baug í Bandaríkjunum. Rakti Sigurður Tómas sögu bátakaupanna í Flórída en Jón Ásgeir hefur neitað því að hann eða félag fjölskyldu hans, Gaumur, hafi átt hlut í bátunum þremur sem Baugsmenn höfðu aðgang að á Flórída. Sigurður Tómas sagði Thee Viking hafa verið keyptan haustið 1999 og að tölvupóstar sem fundist hefðu í tölvu Tryggva Jónssonar frá árslokum 1999 og byrjun árs 2000 sýndu fram á að Jón Gerald Sullenberger og Baugsmenn hefðu deilt um eignarhald á bátnum en loks komist að samkomulagi. Þá sýndu póstar einnig að ákveðið hefði verið að Nordica gæfi út reikninga með tilteknum texta um vinnu fyrir Baug og að þeir yrður stílaðir á Baug. Textann hefði Tryggvi Jónsson samið til þess að leyna bókhaldi Baugs því að verið væri að borga mánaðarlegan bátakostnað en ekki fyrir þjónustu Nordica. Þá hefði enginn samningur verið gerður um styrkina og fáum öðrum en Jóni Ásgeiri, Tryggva og Jóhannesi innan Baugs hafi verið kunnugt um þá. Enn fremur hefði fjárhagsleg staða Jóns Geralds verið þannig á þessum tíma að hann hefði ekki haft bolmagn til að reka bátinn einn og borga af honum. Jafnframt fjallaði Sigurður Tómas um 19. og síðasta ákæruliðinn í endurákærunni en þar er Tryggva Jónssyni gefinn að sök fjárdráttur upp á rúmar 1,3 milljónir króna með American Express kreditkorti sem skráð var á Nordica, en Nordica sendi svo reikning vegna útgjaldanna, sem saksóknari segir að hafi verið persónuleg, til Baugs sem greiddi þá. Tryggvi hefði gefið Jóni Gerald fyrirmæli um að senda reikningana til Baugs með skýringartextanum ferða- og dvalarkostnaður. Benti Sigurður Tómas enn fremur á að Tryggvi hefði sjálfur móttekið reikningana frá Nordica og samþykkt þá alla nema einn. Hann hefði leynt tilvist kortsins fyrir fjármálasviði Baugs og hefði þannig getað látið Baug greiða fyrir einkaneyslu sína, eins og geisladiska og slátturdráttavél. Hann hefði síðar endurgreitt hluta af þessum fjármunum en ekki alla. Skýringar Tryggva á málinu hefðu tekið breytingum og væru að mati saksóknara af ótrúverðugar. Um harðan ásetning hefði verið að ræða og brotin væru alvarlegri í ljósi þess að Tryggvi væri sérfræðingur í bókhaldi og löggiltur endurskoðandi og hefði því átt að vita hvernig færa hefði átt umrædd útgjöld til bókar. Munnlegur málflutningur í Baugsmálinu heldur áfram á morgun en þá tekur Gestur Jónsson, verjandi Jóns Ásgeirs, til máls en á fimmtudag munu Jakob Möller, verjandi Tryggva, og Brynjar Níelsson, verjandi Jóns Geralds flytja sitt mál. Baugsmálið Mest lesið Lét högg og spörk dynja á foreldrunum í tíu klukkustundir Innlent Ákærð fyrir að bana föður og tilraun til að bana móður Innlent 8,8 stiga skjálfti í Rússlandi: Flóðbylgjuviðvaranir gefnar út víða um Kyrrahaf Erlent Lögreglan leitar þessara manna Innlent „Það þarf sennilega að moka þennan bíl upp“ Innlent „Sjaldan hefur stjórnmálamaður verið hamflettur jafn rækilega“ Innlent Fjöldi ferðamanna slíkur að rotþróin ræður ekki við það Innlent „Hann stal henni“ Erlent Veðurspáin fyrir helgina að skána Innlent „Hef ekki hitt neinn arkitekt sem finnst þetta góð hugmynd“ Innlent Fleiri fréttir Segir viðbrögð Bjarnheiðar vekja „óþægilegar minningar“ „Hef ekki hitt neinn arkitekt sem finnst þetta góð hugmynd“ Komu göngumönnum í sjálfheldu til aðstoðar Rússnesk herflugvél mætt í Landeyjarnar „Ég held að þetta sé ekki bóla“ Kona flutt á spítala eftir fjóhjólaslys Vara við að gangast undir fegrunarmeðferðir hjá óviðurkenndum aðilum „Sjaldan hefur stjórnmálamaður verið hamflettur jafn rækilega“ Lét högg og spörk dynja á foreldrunum í tíu klukkustundir Barst tilkynning um olíustuld í Hafnarfirði „Léleg blaðamennska“ sem byggi á upphrópunum og hatri á atvinnulífi Ítrekað ofbeldi, skelfdur Íslendingur eftir skjálfta og padel-æði „Það þarf sennilega að moka þennan bíl upp“ Leggja stöðvunarkröfu á framkæmdir við Hvammsvirkjun Lögreglan leitar upplýsinga um þennan mann Lögreglan leitar þessara manna Eldur kviknaði í hjúkrunarheimili á Höfn Stöðfirðingar þreyttir á ferðamönnum sem geri þarfir sínar um allan bæ Fagnar tillögu Sigurjóns og segir veiðiráðgjöf Hafró ranga Langþreyttur á bensínbrúsum og „bílakirkjugarði“ Úkraínumenn vilja fá Íslendinga í almannavarnabandalag Risaskjálfti í Kyrrahafi og bensínbrúsabílar í Breiðholti Ákærð fyrir að bana föður og tilraun til að bana móður Skýrsla Guðlaugs Þórs frá 2018: „Aðildarviðræðunum var ekki formlega slitið“ Veðurspáin fyrir helgina að skána Fjallabaksleið syðri lokuð vegna vatnavaxta Engin nóróveira í Laugarvatni Fjöldi ferðamanna slíkur að rotþróin ræður ekki við það Reyndi að skemma bíl og hljóp svo undan lögreglu Brennisteinsdíoxíð gæti borist um suðvesturhornið Sjá meira
Sigurður Tómas Magnússon, settur saksóknari í Baugsmálinu, sagði að með sjálfsafgreiðslum á lánum, brotum á bókhaldslögum og fjárdrætti hefðu Jón Ásgeir Jóhannesson, forstjóri Baugs, og Tryggvi Jónsson, fyrrverandi aðstoðarforstjóri fyrirtækisins, brugðist starfsskyldum sínum og hluthöfum í Baugi þegar félagið var á markaði. Saksóknari lauk munnlegum málflutningi sínum í málinu nú skömmu fyrir klukkan fimm. Í lokaorðum sínum benti Sigurður Tómas á að til refsiþyngingar í málinu mætti horfa að um trúnaðarbrot hefði verið að ræða gegn almenningshlutafélagi og að brot Jóns Ásgeirs og Tryggva snerust um mjög háar upphæðir. Þeir hefðu ekki sýnt samvinnu í málinu og því væri ekki hægt að líta til þess til refsilækkunar. Brot tvímenninganna í málinu hefðu verið til þess fallin að valda ótilgreindum fjölda kaupenda hlutabréfa tjóni. Um þátt Jóns Geralds Sullenbergers, en hann er ákærður fyrir að aðstoða við brot með því að gefa út tilhæfulausan kreditreikning frá Nordica sem færður var til tekna hjá Baugi á miðju ári 2001, sagði Sigurður Tómas að Jón Gerald virtist ekki hafa haft hag af brotinu en hann hefði reynst samvinnuþýður við að upplýsa önnur alvarleg brot. Hann hefði jafnframt lagt á sig mikið erfiði og tekið mikil skakkaföll til þess að upplýsa brot manna sem hann var lengi í vinfengi við. Sigurður hafði fyrr í dag fjallað um 14.,15. og 16. ákærulið málsins sem snúa að meintum bókhaldsbrotum Jóns Ásgeirs og Tryggva en Jón Gerald er einnig ákærður samkvæmt 15. ákærulið. Sagði saksóknari að 15. og 16. ákæruliðir, sem snúa að meintum tilhæfulausum kreditreikningi frá Nordica til Baugs upp á tæpar 62 milljónir króna og meintri tilhæfulausri kredityfirlýsingu frá færeyska fyrirtækinu SMS upp á rúmar 46 milljónir króna sem færðar voru í bókhald Baugs um mitt ár 2001, væru alvarlegustu bókhaldsbrotin í málinu enda teldi hann ljóst út frá gögnum að engin viðskipti hefðu legið að baki þeim. Sagði að jafnvel þótt kredityfirlýsingin frá SMS í Færeyjum hefði verið bakfærð síðar á árinu 2001 hefði hún haft áhrif á afkomutölur Baugs á fyrri helmingi ársins og þannig hugsanlega á viðskipti með bréf félagsins á markaði. Sigurður Tómas fjallaði jafnframt ítarlega um 18. ákærulið endurákærunnar en þar er Jóni Ásgeir og Tryggva gefið að sök að hafa dregið Fjárfestingarfélaginu Gaumi fé frá Baugi til þess að fjármagna rekstur og afborganir af skemmtibátnum Thee Viking. Um er að ræða 31 reikning sem saksóknari heldur fram að hafi verið mánaðarlegar greiðslur vegna bátsins á árunum 1999 til 2002 en sakborningar segja það hafa verið styrktargreiðslur vegna starfs Nordica fyrir Baug í Bandaríkjunum. Rakti Sigurður Tómas sögu bátakaupanna í Flórída en Jón Ásgeir hefur neitað því að hann eða félag fjölskyldu hans, Gaumur, hafi átt hlut í bátunum þremur sem Baugsmenn höfðu aðgang að á Flórída. Sigurður Tómas sagði Thee Viking hafa verið keyptan haustið 1999 og að tölvupóstar sem fundist hefðu í tölvu Tryggva Jónssonar frá árslokum 1999 og byrjun árs 2000 sýndu fram á að Jón Gerald Sullenberger og Baugsmenn hefðu deilt um eignarhald á bátnum en loks komist að samkomulagi. Þá sýndu póstar einnig að ákveðið hefði verið að Nordica gæfi út reikninga með tilteknum texta um vinnu fyrir Baug og að þeir yrður stílaðir á Baug. Textann hefði Tryggvi Jónsson samið til þess að leyna bókhaldi Baugs því að verið væri að borga mánaðarlegan bátakostnað en ekki fyrir þjónustu Nordica. Þá hefði enginn samningur verið gerður um styrkina og fáum öðrum en Jóni Ásgeiri, Tryggva og Jóhannesi innan Baugs hafi verið kunnugt um þá. Enn fremur hefði fjárhagsleg staða Jóns Geralds verið þannig á þessum tíma að hann hefði ekki haft bolmagn til að reka bátinn einn og borga af honum. Jafnframt fjallaði Sigurður Tómas um 19. og síðasta ákæruliðinn í endurákærunni en þar er Tryggva Jónssyni gefinn að sök fjárdráttur upp á rúmar 1,3 milljónir króna með American Express kreditkorti sem skráð var á Nordica, en Nordica sendi svo reikning vegna útgjaldanna, sem saksóknari segir að hafi verið persónuleg, til Baugs sem greiddi þá. Tryggvi hefði gefið Jóni Gerald fyrirmæli um að senda reikningana til Baugs með skýringartextanum ferða- og dvalarkostnaður. Benti Sigurður Tómas enn fremur á að Tryggvi hefði sjálfur móttekið reikningana frá Nordica og samþykkt þá alla nema einn. Hann hefði leynt tilvist kortsins fyrir fjármálasviði Baugs og hefði þannig getað látið Baug greiða fyrir einkaneyslu sína, eins og geisladiska og slátturdráttavél. Hann hefði síðar endurgreitt hluta af þessum fjármunum en ekki alla. Skýringar Tryggva á málinu hefðu tekið breytingum og væru að mati saksóknara af ótrúverðugar. Um harðan ásetning hefði verið að ræða og brotin væru alvarlegri í ljósi þess að Tryggvi væri sérfræðingur í bókhaldi og löggiltur endurskoðandi og hefði því átt að vita hvernig færa hefði átt umrædd útgjöld til bókar. Munnlegur málflutningur í Baugsmálinu heldur áfram á morgun en þá tekur Gestur Jónsson, verjandi Jóns Ásgeirs, til máls en á fimmtudag munu Jakob Möller, verjandi Tryggva, og Brynjar Níelsson, verjandi Jóns Geralds flytja sitt mál.
Baugsmálið Mest lesið Lét högg og spörk dynja á foreldrunum í tíu klukkustundir Innlent Ákærð fyrir að bana föður og tilraun til að bana móður Innlent 8,8 stiga skjálfti í Rússlandi: Flóðbylgjuviðvaranir gefnar út víða um Kyrrahaf Erlent Lögreglan leitar þessara manna Innlent „Það þarf sennilega að moka þennan bíl upp“ Innlent „Sjaldan hefur stjórnmálamaður verið hamflettur jafn rækilega“ Innlent Fjöldi ferðamanna slíkur að rotþróin ræður ekki við það Innlent „Hann stal henni“ Erlent Veðurspáin fyrir helgina að skána Innlent „Hef ekki hitt neinn arkitekt sem finnst þetta góð hugmynd“ Innlent Fleiri fréttir Segir viðbrögð Bjarnheiðar vekja „óþægilegar minningar“ „Hef ekki hitt neinn arkitekt sem finnst þetta góð hugmynd“ Komu göngumönnum í sjálfheldu til aðstoðar Rússnesk herflugvél mætt í Landeyjarnar „Ég held að þetta sé ekki bóla“ Kona flutt á spítala eftir fjóhjólaslys Vara við að gangast undir fegrunarmeðferðir hjá óviðurkenndum aðilum „Sjaldan hefur stjórnmálamaður verið hamflettur jafn rækilega“ Lét högg og spörk dynja á foreldrunum í tíu klukkustundir Barst tilkynning um olíustuld í Hafnarfirði „Léleg blaðamennska“ sem byggi á upphrópunum og hatri á atvinnulífi Ítrekað ofbeldi, skelfdur Íslendingur eftir skjálfta og padel-æði „Það þarf sennilega að moka þennan bíl upp“ Leggja stöðvunarkröfu á framkæmdir við Hvammsvirkjun Lögreglan leitar upplýsinga um þennan mann Lögreglan leitar þessara manna Eldur kviknaði í hjúkrunarheimili á Höfn Stöðfirðingar þreyttir á ferðamönnum sem geri þarfir sínar um allan bæ Fagnar tillögu Sigurjóns og segir veiðiráðgjöf Hafró ranga Langþreyttur á bensínbrúsum og „bílakirkjugarði“ Úkraínumenn vilja fá Íslendinga í almannavarnabandalag Risaskjálfti í Kyrrahafi og bensínbrúsabílar í Breiðholti Ákærð fyrir að bana föður og tilraun til að bana móður Skýrsla Guðlaugs Þórs frá 2018: „Aðildarviðræðunum var ekki formlega slitið“ Veðurspáin fyrir helgina að skána Fjallabaksleið syðri lokuð vegna vatnavaxta Engin nóróveira í Laugarvatni Fjöldi ferðamanna slíkur að rotþróin ræður ekki við það Reyndi að skemma bíl og hljóp svo undan lögreglu Brennisteinsdíoxíð gæti borist um suðvesturhornið Sjá meira