Massa hlakkar til að keyra nýja bílinn

Felipe Massa, annar ökumaður Ferrari-liðsins í formúlu 1 kappakstrinum á komandi tímabili, er mjög ánægður með hinn nýja bíl Ferrari sem frumsýndur var í gær.

"Bíllinn er mjög fallegur og býr yfir mikið fleiri smáatriðum en forveri sinn frá því í fyrra. Ég sé margar jákvæðar breytingar og er mjög spenntur fyrir að keyra bílinn," sagði Massa.

Massa fór einnig fögrum orðum um sinn nýja félaga - hinn finnska Kimi Raikkonen. "Við hittumst fyrst í síðustu viku og erum því enn að kynnast en hann lítur út fyrir að vera maður sem auðvelt er að vinna með. Hann á erfitt verk fyrir höndum því það getur tekið tíma að byggja upp sjálfstraust hjá nýju liði. Ég býst þó við miklu af honum, hann er frábær ökumaður," sagði Massa.