Eskill flytur á Lyngháls

Eskill ehf. hefur nú flutt starfsemi sína að Lynghálsi 9 þar sem móðurfélag fyrirtækisins, Kögun hf, er til húsa. Í fréttatilkynningu frá fyrirtækinu kemur fram að Eskill hafi orðið dótturfélag Kögunar í upphafi árs. Eskill ehf er hugbúnaðarhús og var stofnað í desember árið 1999.

Fyrirtækið vinnur að hugbúnaðarlausnum og þróar vörur sínar eingöngu í .NET þróunarumhverfinu sem tekur mið af þróun á Microsoft vörum á hverjum tíma.

Bjarni Birgisson framkvæmdastjóri Kögunar hf sagði: "Við teljum okkur vera að taka skref í rétta átt til aukinnar þjónustu til viðskiptavina okkar."