Afar krefjandi ævintýri 31. júlí 2007 01:45 Emil Grímsson, Hjalti Hjaltason og Haraldur Pétursson aðstoðuðu sjónvarpsstjörnurnar úr Top Gear við að keyra á segulpólinn. Þrír starfsmenn Arctic Truck tókust á hendur svaðilför ásamt sjónvarpsmönnunum frægu úr bílaþættinum Top Gear, sem sýndur er á BBC við miklar vinsældir. Þeir Emil Grímsson, framkvæmdastjóri Arctic Trucks, Hjalti Hjaltason og Haraldur Pétursson lögðu sjónvarpsmönnunum lið við að komast á svokallaðan segulpól á norðurheimsskautinu. „Þetta var heilmikið ævintýri," sagði Emil í samtali við Fréttablaðið, en hann hafði þá nýlokið við að horfa á þáttinn, sem var sýndur á BBC síðastliðinn miðvikudag. Í Top Gear takast þáttastjórnendur iðulega á við ýmis konar áskoranir. Að þessu sinni kepptu þeir Jeremy Clarkson og James May, sem óku Toyota Hilux-bíl frá Arctic Trucks, við Richard Hammond, sem ók hundasleða, um hverjir yrðu fyrstir til að komast á segulpólinn. „Það hefur verið staðið fyrir gönguferðum frá Resolute í Norður-Kanada á segulpólinn í mörg ár, en það hefur enginn farið á bíl svo við vitum til. Innfæddum í Resolute fannst þetta fáránleg hugmynd," sagði Emil og hló við. Top Gear hafði samband við Toyota, sem bað svo Arctic Trucks að útvega farartæki í svaðilförina. „Við höfum þvælst um Grænland þvert og endilangt, svo við höfum dálitla reynslu af þessu," sagði Emil. Svaðilförin átti sér stað í lok apríl og byrjun maí, en henni hafði þá verið frestað um mánuð. „Veðurfræðingurinn í Resolute sagði að við værum orðnir of seinir, að ísinn væri orðinn svo þunnur að við gætum dottið í gegn. Þá varð fólk svolítið stressað," sagði Emil yfirvegaður. Upphaflega átti hann ekki að vera með í för á pólinn, en vegna óróans út af þykkt íssins, og sökum þess að hann var einn af fáum sem gat keyrt í snjónum, varð úr að hann fylgdi ferðalöngum. „Ég samþykkti að lokum að fara á undan á sleða, með bor til að mæla þykkt íssins. Svona til að friða mannskapinn," útskýrði Emil. Þeir Jeremy Clarkson, James May og Richard Hammond voru miklir atvinnumenn, að sögn Emils, og tvímælalaust jafn skemmtilegir og í þáttunum. Hann sér ekki eftir því, þó að ferðalagið hafi tekið sinn toll. „Þátturinn sýnir ekki alveg hversu hrikalega þreyttir menn voru orðnir. Þetta voru mikil átök, og fólk vantaði hreinlega svefn. Það fóru allt að fjórir tímar, bæði kvölds og morgna, í að koma upp búðum og bræða upp vatn til að drekka og elda mat. Það er bara heill vinnudagur. Svo þarf að mynda og keyra inn á milli," sagði hann. Ferðlaginu fylgdu aðrir kvillar, því Emil segist hafa gleymt öllu öðru á meðan á því stóð. „Eftir viku fór það svo aðeins að rifjast upp fyrir mér hvaða ábyrgð maður hefði svona í lífinu," sagði hann og hló við. Emil segir samfylgdina við Top Gear-menn hafa verið afar ánægjulega. „Þeir komu mér eiginlega á óvart, þeir voru allir svo miklir atvinnumenn. Þeir voru líka ótrúlega duglegir að fara út að mynda, sem er nú ekki alltaf mjög freistandi í þessum kulda," sagði Emil og hló. „Það var mjög gaman að vinna með þeim, þeir eru tvímælalaust alveg jafn skemmtilegir og þeir eru í þáttunum," bætti hann við. Ekki er ljóst hvenær umræddur Top Gear-þáttur verður sýndur hér á landi, en Skjár einn hefur haft þáttaraðirnar til sýningar. „Við höfum hug á að vera með einhvers konar frumsýningu á þættinum í samvinnu við Skjá einn og Toyota hérna heima. En það er ekki komin nein dagsetning á það ennþá," sagði Emil, sæll með svaðilförina. Mest lesið Villi á Benzanum slapp með skrekkinn Lífið Átta ára meðgöngu loksins að ljúka Lífið Skvísaðu þig upp fyrir íslenska sumarið Lífið Wardruna í vanda – þegar dulúðin náði ekki flugi Gagnrýni Herra Hnetusmjör og Sara keyptu draumahúsið Lífið Ungfrú Ísland og Hringir Orfeusar og annað slúður með flest verðlaun á Grímunni Menning Frá Íslandi til stjarnanna Leikjavísir Forsetabörnin loksins komin heim Lífið Pharoahe Monch með De La Soul á Lóu Lífið Ljóð Lomma reyndist vera skáldskapur gervigreindarinnar Menning Fleiri fréttir Pharoahe Monch með De La Soul á Lóu Skvísaðu þig upp fyrir íslenska sumarið Villi á Benzanum slapp með skrekkinn Átta ára meðgöngu loksins að ljúka Forsetabörnin loksins komin heim Herra Hnetusmjör og Sara keyptu draumahúsið Stjörnulífið: Sjóðheit og löng helgi Sly Stone er látinn 50+: Að eiga draumalista getur komið okkur skemmtilega á óvart Enn fjölgar í Hraðfréttafjölskyldunni Máli Baldoni vísað frá Ísland í neðsta og næstneðsta sæti hjá Ísraelum Nefndirnar sem smíða orðin: Lýðnetið víkur fyrir internetinu og þjarki fyrir bóta Að eiturefnum sé dreift úr flugvélum yfir fólk „Strákar verða að sýna tilfinningar“ Menningarveisla í allt sumar á Sólheimum „Grínast oft með að ég gaf honum um ellefu ár til að hætta við“ Af hverju er hvítasunnan haldin hátíðleg? „Ertu kannski Íslendingur?“ Brúnkukrems- og karókíkvöld á dagskrá kvenfanga Krakkatían: Aldur, tími og Greta Thunberg Söfnuðu milljón krónum fyrir ungt fólk með krabbamein Fékk sér Stöð 2 húðflúr í beinni útsendingu Vann gullverðlaun fyrir sykurblómaskreytingu Vala Kristín og Hilmir Snær búin að eiga Laufey Lín og Barbra Streisand leiða saman hesta sína Stuð og stemning á „árshátíð íslenskra þungarokkara“ í Stykkishólmi Þjóðhátíð um raunveruleikaþátt Brynjars: „Það er ekkert í boði“ Norðurlandamót í Bridge á Laugarvatni alla helgina Fréttatía vikunnar: Trump, Parkinson og fótbolti Sjá meira
Þrír starfsmenn Arctic Truck tókust á hendur svaðilför ásamt sjónvarpsmönnunum frægu úr bílaþættinum Top Gear, sem sýndur er á BBC við miklar vinsældir. Þeir Emil Grímsson, framkvæmdastjóri Arctic Trucks, Hjalti Hjaltason og Haraldur Pétursson lögðu sjónvarpsmönnunum lið við að komast á svokallaðan segulpól á norðurheimsskautinu. „Þetta var heilmikið ævintýri," sagði Emil í samtali við Fréttablaðið, en hann hafði þá nýlokið við að horfa á þáttinn, sem var sýndur á BBC síðastliðinn miðvikudag. Í Top Gear takast þáttastjórnendur iðulega á við ýmis konar áskoranir. Að þessu sinni kepptu þeir Jeremy Clarkson og James May, sem óku Toyota Hilux-bíl frá Arctic Trucks, við Richard Hammond, sem ók hundasleða, um hverjir yrðu fyrstir til að komast á segulpólinn. „Það hefur verið staðið fyrir gönguferðum frá Resolute í Norður-Kanada á segulpólinn í mörg ár, en það hefur enginn farið á bíl svo við vitum til. Innfæddum í Resolute fannst þetta fáránleg hugmynd," sagði Emil og hló við. Top Gear hafði samband við Toyota, sem bað svo Arctic Trucks að útvega farartæki í svaðilförina. „Við höfum þvælst um Grænland þvert og endilangt, svo við höfum dálitla reynslu af þessu," sagði Emil. Svaðilförin átti sér stað í lok apríl og byrjun maí, en henni hafði þá verið frestað um mánuð. „Veðurfræðingurinn í Resolute sagði að við værum orðnir of seinir, að ísinn væri orðinn svo þunnur að við gætum dottið í gegn. Þá varð fólk svolítið stressað," sagði Emil yfirvegaður. Upphaflega átti hann ekki að vera með í för á pólinn, en vegna óróans út af þykkt íssins, og sökum þess að hann var einn af fáum sem gat keyrt í snjónum, varð úr að hann fylgdi ferðalöngum. „Ég samþykkti að lokum að fara á undan á sleða, með bor til að mæla þykkt íssins. Svona til að friða mannskapinn," útskýrði Emil. Þeir Jeremy Clarkson, James May og Richard Hammond voru miklir atvinnumenn, að sögn Emils, og tvímælalaust jafn skemmtilegir og í þáttunum. Hann sér ekki eftir því, þó að ferðalagið hafi tekið sinn toll. „Þátturinn sýnir ekki alveg hversu hrikalega þreyttir menn voru orðnir. Þetta voru mikil átök, og fólk vantaði hreinlega svefn. Það fóru allt að fjórir tímar, bæði kvölds og morgna, í að koma upp búðum og bræða upp vatn til að drekka og elda mat. Það er bara heill vinnudagur. Svo þarf að mynda og keyra inn á milli," sagði hann. Ferðlaginu fylgdu aðrir kvillar, því Emil segist hafa gleymt öllu öðru á meðan á því stóð. „Eftir viku fór það svo aðeins að rifjast upp fyrir mér hvaða ábyrgð maður hefði svona í lífinu," sagði hann og hló við. Emil segir samfylgdina við Top Gear-menn hafa verið afar ánægjulega. „Þeir komu mér eiginlega á óvart, þeir voru allir svo miklir atvinnumenn. Þeir voru líka ótrúlega duglegir að fara út að mynda, sem er nú ekki alltaf mjög freistandi í þessum kulda," sagði Emil og hló. „Það var mjög gaman að vinna með þeim, þeir eru tvímælalaust alveg jafn skemmtilegir og þeir eru í þáttunum," bætti hann við. Ekki er ljóst hvenær umræddur Top Gear-þáttur verður sýndur hér á landi, en Skjár einn hefur haft þáttaraðirnar til sýningar. „Við höfum hug á að vera með einhvers konar frumsýningu á þættinum í samvinnu við Skjá einn og Toyota hérna heima. En það er ekki komin nein dagsetning á það ennþá," sagði Emil, sæll með svaðilförina.
Mest lesið Villi á Benzanum slapp með skrekkinn Lífið Átta ára meðgöngu loksins að ljúka Lífið Skvísaðu þig upp fyrir íslenska sumarið Lífið Wardruna í vanda – þegar dulúðin náði ekki flugi Gagnrýni Herra Hnetusmjör og Sara keyptu draumahúsið Lífið Ungfrú Ísland og Hringir Orfeusar og annað slúður með flest verðlaun á Grímunni Menning Frá Íslandi til stjarnanna Leikjavísir Forsetabörnin loksins komin heim Lífið Pharoahe Monch með De La Soul á Lóu Lífið Ljóð Lomma reyndist vera skáldskapur gervigreindarinnar Menning Fleiri fréttir Pharoahe Monch með De La Soul á Lóu Skvísaðu þig upp fyrir íslenska sumarið Villi á Benzanum slapp með skrekkinn Átta ára meðgöngu loksins að ljúka Forsetabörnin loksins komin heim Herra Hnetusmjör og Sara keyptu draumahúsið Stjörnulífið: Sjóðheit og löng helgi Sly Stone er látinn 50+: Að eiga draumalista getur komið okkur skemmtilega á óvart Enn fjölgar í Hraðfréttafjölskyldunni Máli Baldoni vísað frá Ísland í neðsta og næstneðsta sæti hjá Ísraelum Nefndirnar sem smíða orðin: Lýðnetið víkur fyrir internetinu og þjarki fyrir bóta Að eiturefnum sé dreift úr flugvélum yfir fólk „Strákar verða að sýna tilfinningar“ Menningarveisla í allt sumar á Sólheimum „Grínast oft með að ég gaf honum um ellefu ár til að hætta við“ Af hverju er hvítasunnan haldin hátíðleg? „Ertu kannski Íslendingur?“ Brúnkukrems- og karókíkvöld á dagskrá kvenfanga Krakkatían: Aldur, tími og Greta Thunberg Söfnuðu milljón krónum fyrir ungt fólk með krabbamein Fékk sér Stöð 2 húðflúr í beinni útsendingu Vann gullverðlaun fyrir sykurblómaskreytingu Vala Kristín og Hilmir Snær búin að eiga Laufey Lín og Barbra Streisand leiða saman hesta sína Stuð og stemning á „árshátíð íslenskra þungarokkara“ í Stykkishólmi Þjóðhátíð um raunveruleikaþátt Brynjars: „Það er ekkert í boði“ Norðurlandamót í Bridge á Laugarvatni alla helgina Fréttatía vikunnar: Trump, Parkinson og fótbolti Sjá meira