Atorka eykur við sig í NWF

Atorka Group hefur aukist við hlut sinn um rúmlega eitt prósent í breska dreifingarfyrirtækinu NWF Group og fer nú með 21,55 prósenta eignarhluta í félaginu.

Greiningardeild Kaupþings bendir á í Hálffimmfréttum sínum í dag, að hluturinn sé metinn á tæpa þrjá þrjá milljarða króna.

NWF byggir rekstur sinn á fóður- og eldsneytisdreifingu, aðfangadreifingu til stórmarkaða og rekstri garðyrkjuvöruverslana.

Atorka er stærsti hluthafinn í félaginu en gengi bréfa í því hefur hækkað um 22 prósent á árinu, að sögn greiningar Kaupþings.