Liv Bergþórsdóttir ráðin framkvæmdastjóri Nova

Liv Bergþórsdóttir hefur verið ráðin framkvæmdastjóri hins nýja fjarskiptafyrirtækis Björgólfs Thors Björgólfssonar, Nova. Skýrt var frá þessu á fréttamannafundi eftir hádegið í dag í nýrri tæknimiðstöð félagsins, sem staðsett er á fremur ólíklegum stað; í gömlu vatnstönkunum við Háteigsveg.

Lív var áður framkvæmdastjóri farsímafyrirtækisins Sko en þar áður gegndi hún starfi ramkvæmdastjóra sölu- og markaðssviðs smásölu hjá Og Vodafone.

 „Þegar við byrjuðum að nota Internetið var hraðinn ekki mikill og þar af leiðandi notkunarmöguleikarnir ekki heldur. Með auknum hraða hefur netið sífellt tekið á sig nýja mynd og það sama mun gerast við breytinguna frá GSM í 3G,” segir Liv. 

Nova er meðal þriggja Þrjú fjarskiptafyrirtækja sem uppfylla skilyrði fyrir uppbyggingu þriðju kynslóðar í farsímatækni á Íslandi. Tilboð voru opnuð frá Nova, Símanum og Vodafone hjá Póst- og fjarskiptastofnun klukkan 11 í morgun.

Stofnunin áætlar að úthluta tíðnileyfum fyrir 1. apríl næstkomandi.

Í fréttatilkynningu frá Nova í dag, segir að nú þegar ljóst sé að formlegt rekstrarleyfi fæst, geti félagið hafist handa við uppbyggingu dreifikerfis. "Markmiðið er að þjónusta Nova nái til höfuðborgarsvæðisins og Reykjaness fyrir lok þessa árs og til 80% landsmanna á næsta ár," segir í tilkynningunni.

Með 3G verður netsamband ekki lengur bundið við ákveðna staði heldur eru notendur í háhraðanetsambandi hvar sem er, en 3G netþjónusta er sambærileg við ADSL í hraða. Rétt eins og ADSL háhraða tengingar voru bylting í netnotkun kemur 3G til með að stórauka notkunarmöguleika farsímans. Með 3G má segja að netið sé loks komið í farsímann. Allt sem hægt er að gera á netinu, verður hægt að gera í farsímanum líka.

Meðal nýjunga sem Nova kynnti í dag eru myndsímtöl milli farsíma sem verða möguleg í 3G kerfinu. Þá sýndi Nova hvernig hægt er að sækja afþreyingu á borð við tónlist og myndbönd beint af netinu í farsímann og hvernig hægt er að breyta farsímanum í lítið sjónvarpstæ