Goodman í meðferð

John Goodman hefur viðurkennt að hafa farið í áfengismeðferð á meðferðarstofnun í Bandaríkjunum. Leikarinn sagði í yfirlýsingu að hann hefði af sjálfsdáðum tekið nauðsynleg skref til að halda sér þurrum; „...það sem eftir er af lífi mínu."

Ekki er ljóst hversu lengi leikarinn var í meðferðinni eða hvenær henni lauk. Goodman er 55 ára gamall. Hann varð þekktur fyrir hlutverk sitt í sjónvarpsþáttunum Roseanne og vann Emmy verðlaun á þessu ári fyrir gestahlutverk í Studio 60 on the Sunset Strip.

Goodman hefur sjö sinnum verið tilnefndur til Emmy verðlauna, en ekki hlotið þau fyrr. Hann fékk hins vegar Golden Globe verðlaunin árið 1993 fyrir bestan leik í gamanþáttum fyrir hlutverkið í Roseanne.

Goodman hefur meðal annars leikið í The Big Lebowski, The Flintstones og The Babe.