Búist við Richards í byrjunarliðinu

Búist er við því að Micah Richards, hinn 18 ára varnarmaður Manchester City, eigi eftir að geta spilað með Englendingum á morgun. Hann náði að klára æfingu með enska landsliðinu í dag en Richards þurfti að fara af velli í sigurleik Manchester City gegn Middlesbrough í síðastliðinni viku.

Talið er líklegt að hann verði hægra megin í fjögurra manna vörn Englands, með þá John Terry og Rio Ferdinand í miðjunni og Jamie Carragher, sem hefur átt frábært tímabil með Liverpool, í vinstri bakverðinum.