Meira en croissant og ilmvötn 18. apríl 2007 00:01 Viðskipti milli Íslands og Frakklands hafa tekið kipp á undanförnum tveimur árum. Á fundinum „Franskt vor í viðskiptum á Íslandi“ kom meðal annars fram fram að 6.700 starfsmenn starfa nú hjá 28 íslenskum fyrirtækjum í Frakklandi. Fyrir tíu árum voru fyrirtækin fjögur og starfsmennirnir 150. Vín, verkföll, ostar, rómantík, saga, hroki, fegurð, kvenleiki, gæsalifur, karlmennska, blóðhiti, hátíska, breiðgötur, baguette, landbúnaður, fjölmenning. Í augum heimsins endurspeglast Frakkland í öllum þessum orðum og fleirum. Fá lönd í heiminum kalla eins margar ólíkar myndir upp í hugann. Frakkland er líka ríkt land og fjölbreytt og það stærsta í Vestur-Evrópu. Þar búa rúmlega 63 milljónir manna. Um tuttugu prósent þeirra búa í París og umhverfis hana. Frakkland á landamæri að sex löndum og gætir áhrifa þeirra allra í franskri menningu.Efnahagslegar áskoranirKostir og verðleikar Frakklands fyrir beinan útflutning og íslenskar fjárfestingar voru ræddir á fundi um viðskipti milli Íslands og Frakklands í síðustu viku. Hann var haldinn í tengslum við menningarhátíðina Pourquoi Pas? – Franskt vor á Íslandi sem nú stendur sem hæst. Að henni standa Fransk-íslenska viðskiptaráðið, menntamálaráðuneytið, franska sendiráðið og Culturesfrance.Þeir fyrirlesarar er tóku til máls á ráðstefnunni lýstu reynslu sinni af viðskiptum í og við Frakkland. Allir voru þeir sammála um að þar væri nóg af tækifærum. Frakkland hefur þó sína djöfla að draga, rétt eins og önnur lönd. Unnur Orradóttir Ramette, viðskiptafulltrúi í sendiráði Íslands í París, fór í fyrirlestri sínum yfir helstu sjúkdómseinkenni markaðarins. Frakkland hefur lítillega dregist aftur úr viðmiðunarlöndum sínum á undanförnum árum. Hagvöxtur hefur ekki verið mikill og mælist nú um 2,2 prósent. Ekki hefur tekist að stemma stigu við atvinnuleysi sem nú mælist um 8,4 prósent. Unnur sagði óttann við alþjóðavæðinguna áberandi meðal Frakka. Stór frönsk fyrirtæki hafi verið öflug á alþjóðamörkuðum en á meðan hafi dregið úr samkeppnishæfi smærri franskra fyrirtækja. Þau hafi ekki fjárfest eða sinnt rannsókn og þróun nægilega, enda sé aðgangur þeirra að fjármögnun ekki greiður.Villandi staðalímyndirFrakkland gegnir mikilvægu hlutverki í efnahagi Evrópu og heimsins alls. Það er fimmta stærsta efnahagsveldi heims miðað við landsframleiðslu og þriðji stærsti þjónustuútflytjandinn. Hvergi í heiminum er eins mikið innflæði erlendra fjárfesta og í Frakklandi, nema í Kína. Umtalsverður hluti franskra fyrirtækja í eigu erlendra aðila. Í máli Gilles Debuire frá Invest in France Agency kom fram að árið 2006 jukust beinar fjárfestingar í Frakklandi til muna og sköpuðu fjörutíu þúsund ný störf. Þar af voru sex þúsund sem Norðurlöndin stofnuðu til.Þrátt fyrir þetta eru þær hugmyndir lífseigar að franski markaðurinn sé lokaður, illa samkeppnishæfur og þar sé flókið að stofna fyrirtæki. Þær eiga lítið við rök að styðjast. Franskur vinnumarkaður hefur löngum verið álitinn martröð atvinnurekenda. Framleiðni vinnuafls er þó mun hærri í Frakklandi en á Íslandi og sú fjórða mesta í heiminum. Verkföll eru alls ekki tíð þrátt fyrir að staðalímyndin gefi annað til kynna. Um 25 dagar töpuðust árlega á þúsund íbúa vegna verkfalla á árunum 2002 til 2004. Það er til samanburðar við 298,8 á Íslandi, ef tölur Gilles eru réttar. Frakkland er líka undir meðaltali Bretlands, Danmerkur, Noregs, Svíþjóðar, Ítalíu og Spánar.Hugmyndir um slaka enskukunnáttu Frakka eru ýktar. Þar talar 65 prósent fólks undir þrítugu ensku og níutíu prósent þeirra sem hafa háskólagráðu. Frönskukunnátta er þó mikilvæg. Fram kom á ráðstefnunni að um þrjátíu prósent íslenskra fyrirtækja telja sig verða af viðskiptum árlega vegna vankunnáttu í erlendum tungumálum.Fimm er töfratalanFimm er vinsæl tala þegar kemur að viðskiptum milli Íslands og Frakkland. Unnur benti á að hlutfall útflutnings frá Íslandi til Frakklands af heildarútflutningi er fjögur til sex prósent, hlutfall franskra ferðamanna af erlendum ferðamönnum á Íslandi fimm til 6,5 prósent og hlutfall íslenskra fjárfestinga í Frakklandi af fjárfestingum erlendis fimm prósent.Í dag eru 28 íslensk fyrirtæki með 6.700 starfsmenn með starfsemi í Frakklandi. Fyrir tíu árum voru þau einungis fjögur og starfsmennirnir 150. Meðal þeirra er hvað stærst hlutverk gegna eru Polimoon, Alfesca, Bakkavör, XL Airways, Össur, Landsbankinn, Icelandair, Baugur og Marel. Mikill uppgangur hefur verið í viðskiptum milli landanna undanfarin tvö ár. Innflutningur frá Frakklandi hefur aukist um meira en þrjátíu prósent á ári á þeim tíma. Árið 2006 var vöruskiptahallinn í fyrsta sinn Frökkum hagstæður.Nicole Michelangeli, sendiherra Frakka á Íslandi, beindi orðum sínum til íslenskra fjárfesta á ráðstefnunni. Um leið og hún lýsti ánægju sinni með aukin viðskipti milli þjóðanna hvatti hún þá til að beina útrás sinni í auknum mæli til Frakklands. Landið hafi svo margt annað að bjóða en croissant og ilmvötn. Fréttaskýringar Undir smásjánni Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Íslandsbanki greiðir 570 milljóna króna sekt Viðskipti innlent „Katrín Olga, þetta er eingöngu hálftími af þínu lífi“ Atvinnulíf Kínverski risinn sem herjar á evrópska neytendur Viðskipti innlent „Hann eyðileggur alltaf alla stemningu um leið og hann kemur“ Atvinnulíf Reynslubolti í hótelrekstri færir sig um set Viðskipti innlent Að gera ekki algeng mistök sem stjórnandi í fyrsta sinn Atvinnulíf Hvetja fólk til að taka verðmerkingum í Hagkaup með fyrirvara Viðskipti innlent Vilja rannsaka meint samráð með OPEC Viðskipti erlent „Ég nenni ekki að standa í einhverju veseni“ Atvinnulíf Nýjum alþjóðaflugvelli á Grænlandi seinkar enn Viðskipti erlent Fleiri fréttir Íslandsbanki greiðir 570 milljóna króna sekt Bein útsending: „Hvað verður í matinn?“ Skrifuðu undir kaup Landsbankans á TM Reynslubolti í hótelrekstri færir sig um set Icelandair tekur skarpa dýfu niður fyrir útboðsgengi Verðbólgan tekur smá kipp upp á við Wise og Þekking orðin eitt Kínverski risinn sem herjar á evrópska neytendur Sögðu upp 82 starfsmönnum Hvetja fólk til að taka verðmerkingum í Hagkaup með fyrirvara Fjölda fólks sagt upp hjá Icelandair Kaldvík skráð á markað Ofgreiddar lífeyrisgreiðslur nærri tvöfölduðust á milli ára Dæla skyrinu af ísvélum á Skálinni Bein útsending: Framtíð EES til umræðu á þrjátíu ára afmæli Sker úr um hvort veitingamaður hafi mátt borga fyrir kókið Allir halda stjörnu og OTO fær viðurkenningu Ætla að bjóða vaxtalaus lán í aðdraganda mánaðamóta Muni gera meiri kröfur til áfengiskaupenda en flestir aðrir Vilja koma fleirum en Kynnisferðum inn í BSÍ Algjör óvissa með Dragon Dim Sum Landsbankinn telur skilmála sína nógu skýra Orðalag þurfi að vera nægilega skýrt fyrir sæmilega upplýstan neytanda Ráðinn markaðsstjóri Bílabúðar Benna Fetar í fótspor forverans og vildi einn lækka vexti Bein útsending: Efnahagsráðstefna í Reykjavík Kaupsamningum fjölgar en mikið ójafnvægi á leigumarkaði Hætta við hlutafjárútboð og skráningu Íslandshótela Hátt verð fæli ferðamanninn frá Íslandi Deilan um boltann fer alla leið í Hæstarétt Sjá meira
Vín, verkföll, ostar, rómantík, saga, hroki, fegurð, kvenleiki, gæsalifur, karlmennska, blóðhiti, hátíska, breiðgötur, baguette, landbúnaður, fjölmenning. Í augum heimsins endurspeglast Frakkland í öllum þessum orðum og fleirum. Fá lönd í heiminum kalla eins margar ólíkar myndir upp í hugann. Frakkland er líka ríkt land og fjölbreytt og það stærsta í Vestur-Evrópu. Þar búa rúmlega 63 milljónir manna. Um tuttugu prósent þeirra búa í París og umhverfis hana. Frakkland á landamæri að sex löndum og gætir áhrifa þeirra allra í franskri menningu.Efnahagslegar áskoranirKostir og verðleikar Frakklands fyrir beinan útflutning og íslenskar fjárfestingar voru ræddir á fundi um viðskipti milli Íslands og Frakklands í síðustu viku. Hann var haldinn í tengslum við menningarhátíðina Pourquoi Pas? – Franskt vor á Íslandi sem nú stendur sem hæst. Að henni standa Fransk-íslenska viðskiptaráðið, menntamálaráðuneytið, franska sendiráðið og Culturesfrance.Þeir fyrirlesarar er tóku til máls á ráðstefnunni lýstu reynslu sinni af viðskiptum í og við Frakkland. Allir voru þeir sammála um að þar væri nóg af tækifærum. Frakkland hefur þó sína djöfla að draga, rétt eins og önnur lönd. Unnur Orradóttir Ramette, viðskiptafulltrúi í sendiráði Íslands í París, fór í fyrirlestri sínum yfir helstu sjúkdómseinkenni markaðarins. Frakkland hefur lítillega dregist aftur úr viðmiðunarlöndum sínum á undanförnum árum. Hagvöxtur hefur ekki verið mikill og mælist nú um 2,2 prósent. Ekki hefur tekist að stemma stigu við atvinnuleysi sem nú mælist um 8,4 prósent. Unnur sagði óttann við alþjóðavæðinguna áberandi meðal Frakka. Stór frönsk fyrirtæki hafi verið öflug á alþjóðamörkuðum en á meðan hafi dregið úr samkeppnishæfi smærri franskra fyrirtækja. Þau hafi ekki fjárfest eða sinnt rannsókn og þróun nægilega, enda sé aðgangur þeirra að fjármögnun ekki greiður.Villandi staðalímyndirFrakkland gegnir mikilvægu hlutverki í efnahagi Evrópu og heimsins alls. Það er fimmta stærsta efnahagsveldi heims miðað við landsframleiðslu og þriðji stærsti þjónustuútflytjandinn. Hvergi í heiminum er eins mikið innflæði erlendra fjárfesta og í Frakklandi, nema í Kína. Umtalsverður hluti franskra fyrirtækja í eigu erlendra aðila. Í máli Gilles Debuire frá Invest in France Agency kom fram að árið 2006 jukust beinar fjárfestingar í Frakklandi til muna og sköpuðu fjörutíu þúsund ný störf. Þar af voru sex þúsund sem Norðurlöndin stofnuðu til.Þrátt fyrir þetta eru þær hugmyndir lífseigar að franski markaðurinn sé lokaður, illa samkeppnishæfur og þar sé flókið að stofna fyrirtæki. Þær eiga lítið við rök að styðjast. Franskur vinnumarkaður hefur löngum verið álitinn martröð atvinnurekenda. Framleiðni vinnuafls er þó mun hærri í Frakklandi en á Íslandi og sú fjórða mesta í heiminum. Verkföll eru alls ekki tíð þrátt fyrir að staðalímyndin gefi annað til kynna. Um 25 dagar töpuðust árlega á þúsund íbúa vegna verkfalla á árunum 2002 til 2004. Það er til samanburðar við 298,8 á Íslandi, ef tölur Gilles eru réttar. Frakkland er líka undir meðaltali Bretlands, Danmerkur, Noregs, Svíþjóðar, Ítalíu og Spánar.Hugmyndir um slaka enskukunnáttu Frakka eru ýktar. Þar talar 65 prósent fólks undir þrítugu ensku og níutíu prósent þeirra sem hafa háskólagráðu. Frönskukunnátta er þó mikilvæg. Fram kom á ráðstefnunni að um þrjátíu prósent íslenskra fyrirtækja telja sig verða af viðskiptum árlega vegna vankunnáttu í erlendum tungumálum.Fimm er töfratalanFimm er vinsæl tala þegar kemur að viðskiptum milli Íslands og Frakkland. Unnur benti á að hlutfall útflutnings frá Íslandi til Frakklands af heildarútflutningi er fjögur til sex prósent, hlutfall franskra ferðamanna af erlendum ferðamönnum á Íslandi fimm til 6,5 prósent og hlutfall íslenskra fjárfestinga í Frakklandi af fjárfestingum erlendis fimm prósent.Í dag eru 28 íslensk fyrirtæki með 6.700 starfsmenn með starfsemi í Frakklandi. Fyrir tíu árum voru þau einungis fjögur og starfsmennirnir 150. Meðal þeirra er hvað stærst hlutverk gegna eru Polimoon, Alfesca, Bakkavör, XL Airways, Össur, Landsbankinn, Icelandair, Baugur og Marel. Mikill uppgangur hefur verið í viðskiptum milli landanna undanfarin tvö ár. Innflutningur frá Frakklandi hefur aukist um meira en þrjátíu prósent á ári á þeim tíma. Árið 2006 var vöruskiptahallinn í fyrsta sinn Frökkum hagstæður.Nicole Michelangeli, sendiherra Frakka á Íslandi, beindi orðum sínum til íslenskra fjárfesta á ráðstefnunni. Um leið og hún lýsti ánægju sinni með aukin viðskipti milli þjóðanna hvatti hún þá til að beina útrás sinni í auknum mæli til Frakklands. Landið hafi svo margt annað að bjóða en croissant og ilmvötn.
Fréttaskýringar Undir smásjánni Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Íslandsbanki greiðir 570 milljóna króna sekt Viðskipti innlent „Katrín Olga, þetta er eingöngu hálftími af þínu lífi“ Atvinnulíf Kínverski risinn sem herjar á evrópska neytendur Viðskipti innlent „Hann eyðileggur alltaf alla stemningu um leið og hann kemur“ Atvinnulíf Reynslubolti í hótelrekstri færir sig um set Viðskipti innlent Að gera ekki algeng mistök sem stjórnandi í fyrsta sinn Atvinnulíf Hvetja fólk til að taka verðmerkingum í Hagkaup með fyrirvara Viðskipti innlent Vilja rannsaka meint samráð með OPEC Viðskipti erlent „Ég nenni ekki að standa í einhverju veseni“ Atvinnulíf Nýjum alþjóðaflugvelli á Grænlandi seinkar enn Viðskipti erlent Fleiri fréttir Íslandsbanki greiðir 570 milljóna króna sekt Bein útsending: „Hvað verður í matinn?“ Skrifuðu undir kaup Landsbankans á TM Reynslubolti í hótelrekstri færir sig um set Icelandair tekur skarpa dýfu niður fyrir útboðsgengi Verðbólgan tekur smá kipp upp á við Wise og Þekking orðin eitt Kínverski risinn sem herjar á evrópska neytendur Sögðu upp 82 starfsmönnum Hvetja fólk til að taka verðmerkingum í Hagkaup með fyrirvara Fjölda fólks sagt upp hjá Icelandair Kaldvík skráð á markað Ofgreiddar lífeyrisgreiðslur nærri tvöfölduðust á milli ára Dæla skyrinu af ísvélum á Skálinni Bein útsending: Framtíð EES til umræðu á þrjátíu ára afmæli Sker úr um hvort veitingamaður hafi mátt borga fyrir kókið Allir halda stjörnu og OTO fær viðurkenningu Ætla að bjóða vaxtalaus lán í aðdraganda mánaðamóta Muni gera meiri kröfur til áfengiskaupenda en flestir aðrir Vilja koma fleirum en Kynnisferðum inn í BSÍ Algjör óvissa með Dragon Dim Sum Landsbankinn telur skilmála sína nógu skýra Orðalag þurfi að vera nægilega skýrt fyrir sæmilega upplýstan neytanda Ráðinn markaðsstjóri Bílabúðar Benna Fetar í fótspor forverans og vildi einn lækka vexti Bein útsending: Efnahagsráðstefna í Reykjavík Kaupsamningum fjölgar en mikið ójafnvægi á leigumarkaði Hætta við hlutafjárútboð og skráningu Íslandshótela Hátt verð fæli ferðamanninn frá Íslandi Deilan um boltann fer alla leið í Hæstarétt Sjá meira