Quake Wars á leiðinni

Tölvuleikurinn Quake Wars verður fáanlegur fyrir PC-tölvur frá og með 28. september í Evrópu. Um er að ræða fyrstu persónu fjölspilunar-skotleik þar sem hermenn berjast við geimverurnar Strogg um yfirráð yfir jörðinni.

„Að fá þetta tækifæri til að hanna Enemy Territory Quake Wars hefur verið frábært,“ sagði Paul Wedgwood, eigandi hönnunarfyrirtækisins Splash Damage. Leikurinn hefur þegar unnið til meira en fimmtán viðurkenninga og hefur af mörgum verið talinn einn af leikjum ársins. Leikurinn gerist árið 2065 og geta leikmenn annars vegar stýrt hermönnum og hins vegar geimverunum. Quake Wars er einnig í framleiðslu fyrir Xbox 360 og PlayStation 3.