Kringlan, 2067 9. ágúst 2007 06:45 Voðalega er þessi krúttlegur, segir forseti Íslands, Guðrún Lára Dagbjartsdóttir, og veifar ævagömlum gemsa. Hún og forsætisráðherrann, Ari Walczak-Thors, eru mætt til að vera viðstödd þegar tímahylkið í Kringlunni er opnað, 68 árum eftir að það var innsiglað. Ha, ha, ég man eftir svona frá afa, segir Guðrún og lyftir upp kaffivél. Nú, þegar næstum tveir áratugir eru liðnir síðan herferðin Kaffilaust Ísland 2050 bar tilætlaðan árangur, eru kaffivélar jafn sjaldséðar og strásykurskör. Fréttamenn mynda í gríð og erg þegar Guðrún og Ari skoða gamla dótið sem árið 1999 þótti lýsandi fyrir samfélagið. Fremst eru myndavélar NFS, sem opnaði aftur þegar það þótti raunhæft, sama mánuð og íbúatala Íslands fór yfir fimm milljónir. Ísland er ríkasta land í heimi og hér búa eintómir auðmenn. Öllum álverksmiðjum landsins hefur fyrir löngu verið breytt í vatnsátöppunarverksmiðjur og Jón Ólafsson - Waterking, eins og hann er kallaður - er valdamesti maður í heimi og enn í fullu fjöri þökk sé Liv4ever-pillunum frá Decode, verðmætasta fyrirtæki í heimi. Opnun tímahylkisins er fyrsta skrefið í niðurrifi Kringlunnar. Stórvirkar vinnuvélar bíða mallandi í kring á meðan mektarfólkið skoðar gamla dótið. Rekstur Kringlunnar hefur ekki gengið vel síðasta áratuginn, enda liggur straumurinn í stærri verslunarmiðstöðvar, Geldinganeshöllina, Esjudraum og í stærstu búð í heimi, Þingvallahofið. Á lóð Kringlunnar er fyrirhugað að koma upp svartholi, en manngerð svarthol, bæði stór og smá, hafa fyrir löngu leyst öll mengunarvandamál. Man einhver eftir þessu?, spyr Guðrún glettin. Kliður fer um viðstadda þegar forsetinn bendir á kókflösku í hrúgunni. Eiturefnadeild íslenska hersins er sem betur fer á staðnum og fjarlægir flöskuna varlega. Framleiðslu á kók var hætt árið 2029 eftir mörg döpur ár. Heims-heilsubylgjan og vatnsskorturinn gerði út af við drykkinn, sem margir töldu eilífan. Lífrænt ræktaða kókið festi sig aldrei í sessi. Nei sko, hérna er tekjublaðið frá 1999, segir Ari og flettir gulnuðu blaðinu. Það er ýkt steikt hvað margt hefur breyst á ekki lengri tíma, segir Guðrún og kíkir yfir öxlina á honum. Já, að hugsa sér að jafn tilgangslítið fólk hafi einu sinni toppað þessa lista, segir Ari og hristir hausinn. Tekjublaðið 2067 eru einmitt nýkomið út og eins og vanalega raða kennarar sér í öll efstu sæti. Á eftir Waterking og Kára Stefáns auðvitað. Viltu birta grein á Vísi? Sendu okkur póst. Senda grein Dr. Gunni Mest lesið Sá tapar sem fyrstur nefnir nasistana: gengisfelling orðsins „rasisti“ Birgir Finnsson Skoðun Þetta unga fólk getur bara haldið kjafti Jón Pétur Zimsen Skoðun Ég og Parkinson – leitin að greiningu og leiðin til betra lífs Guðrún Einarsdóttir Skoðun Þegar þeir sem segjast þjóna þjóðinni ráðast á hana Ágústa Árnadóttir Skoðun Kveðjum sjálfhverfa og fyrirsjáanlega manninn Halldóra Mogensen Skoðun Hvers vegna borga foreldrar í Kópavogi mest? Eydís Inga Valsdóttir Skoðun Er slysahætta í kringum sorpílátið heima hjá þér? Anna Jóna Kjartansdóttir,Pétur Gísli Jónsson Skoðun Dómsdagur nálgast! Hólmgeir Baldursson Skoðun Betri vegir, fleiri lögreglumenn og hægt að komast í meðferð á sumrin Þórður Snær Júlíusson Skoðun Þá verður gott að búa á Íslandi Bjarni Karlsson,Jóna Hrönn Bolladóttir Skoðun
Voðalega er þessi krúttlegur, segir forseti Íslands, Guðrún Lára Dagbjartsdóttir, og veifar ævagömlum gemsa. Hún og forsætisráðherrann, Ari Walczak-Thors, eru mætt til að vera viðstödd þegar tímahylkið í Kringlunni er opnað, 68 árum eftir að það var innsiglað. Ha, ha, ég man eftir svona frá afa, segir Guðrún og lyftir upp kaffivél. Nú, þegar næstum tveir áratugir eru liðnir síðan herferðin Kaffilaust Ísland 2050 bar tilætlaðan árangur, eru kaffivélar jafn sjaldséðar og strásykurskör. Fréttamenn mynda í gríð og erg þegar Guðrún og Ari skoða gamla dótið sem árið 1999 þótti lýsandi fyrir samfélagið. Fremst eru myndavélar NFS, sem opnaði aftur þegar það þótti raunhæft, sama mánuð og íbúatala Íslands fór yfir fimm milljónir. Ísland er ríkasta land í heimi og hér búa eintómir auðmenn. Öllum álverksmiðjum landsins hefur fyrir löngu verið breytt í vatnsátöppunarverksmiðjur og Jón Ólafsson - Waterking, eins og hann er kallaður - er valdamesti maður í heimi og enn í fullu fjöri þökk sé Liv4ever-pillunum frá Decode, verðmætasta fyrirtæki í heimi. Opnun tímahylkisins er fyrsta skrefið í niðurrifi Kringlunnar. Stórvirkar vinnuvélar bíða mallandi í kring á meðan mektarfólkið skoðar gamla dótið. Rekstur Kringlunnar hefur ekki gengið vel síðasta áratuginn, enda liggur straumurinn í stærri verslunarmiðstöðvar, Geldinganeshöllina, Esjudraum og í stærstu búð í heimi, Þingvallahofið. Á lóð Kringlunnar er fyrirhugað að koma upp svartholi, en manngerð svarthol, bæði stór og smá, hafa fyrir löngu leyst öll mengunarvandamál. Man einhver eftir þessu?, spyr Guðrún glettin. Kliður fer um viðstadda þegar forsetinn bendir á kókflösku í hrúgunni. Eiturefnadeild íslenska hersins er sem betur fer á staðnum og fjarlægir flöskuna varlega. Framleiðslu á kók var hætt árið 2029 eftir mörg döpur ár. Heims-heilsubylgjan og vatnsskorturinn gerði út af við drykkinn, sem margir töldu eilífan. Lífrænt ræktaða kókið festi sig aldrei í sessi. Nei sko, hérna er tekjublaðið frá 1999, segir Ari og flettir gulnuðu blaðinu. Það er ýkt steikt hvað margt hefur breyst á ekki lengri tíma, segir Guðrún og kíkir yfir öxlina á honum. Já, að hugsa sér að jafn tilgangslítið fólk hafi einu sinni toppað þessa lista, segir Ari og hristir hausinn. Tekjublaðið 2067 eru einmitt nýkomið út og eins og vanalega raða kennarar sér í öll efstu sæti. Á eftir Waterking og Kára Stefáns auðvitað.
Er slysahætta í kringum sorpílátið heima hjá þér? Anna Jóna Kjartansdóttir,Pétur Gísli Jónsson Skoðun
Betri vegir, fleiri lögreglumenn og hægt að komast í meðferð á sumrin Þórður Snær Júlíusson Skoðun
Er slysahætta í kringum sorpílátið heima hjá þér? Anna Jóna Kjartansdóttir,Pétur Gísli Jónsson Skoðun
Betri vegir, fleiri lögreglumenn og hægt að komast í meðferð á sumrin Þórður Snær Júlíusson Skoðun