Mótorhjólakragi

Motorrad, bifhjóladeild BMW, hefur búið til hálskraga fyrir mótorhjólamenn.

Mótorhjólamenn hafa lítið annað til að verja sig en þar til gerða búninga og hjálma og því er kraginn velkomin viðbót í varnarvegginn.

Kraginn er úr trefjaplasti, trefjagleri og kevlar. Hann er klæddur með mjúku efni þannig að hann er bæði léttur og á ekki að valda of miklum óþægindum.

Virkni kragans er einföld. Hann hindrar að höfuðið færist óeðlilega langt til hliðanna eða fram og aftur ef slys á sér stað.