Sprotar leita viðskiptaengla í Reykjavík 28. mars 2007 04:30 Frá sprotaþingi seed forum í fyrra Bjørn Haugland frá fyrirtækinu Symphonical kynnir fyrirtæki sitt á Seed Forum í New York í Bandaríkjunum í fyrra. Mynd/K. Lee Sohn Seed Forum blæs til fjárfestaþings í fimmta sinn í Reykjavík á morgun. Á þinginu kynna sjö fulltrúar jafn margra sprotafyrirtækja starfsemi, vörur og vaxtarhorfur fyrir svokölluðum viðskiptaenglum, efnameiri einstaklingum sem hafa bolmagn til fjárfestinga í sprotafyrirtækjum. Viðskiptaenglar hafa iðulega reynslu af fyrirtækjarekstri ýmiss konar og getur aðkoma þeirra því verið sprotafyrirtæki dýrmætt tækifæri sem er að stíga sín fyrstu skref. Fjárfestaþingið á morgun verður það fyrsta í röð 18 þinga í vor en á haustdögum verður þráðurinn tekinn upp að nýju með 21 þingi. Flest fyrirtækjanna eru frá Norðurlöndunum en í ljósi mikillar athygli sem Seed Forum hefur fengið víða um heim hafa sprotafyrirtæki frá Bandaríkjunum, Bretlandi og Austur-Evrópu lýst yfir áhuga á því að bætast í hópinn. Þar af eru fjögur íslensk fyrirtæki sem munu leiða hesta sína saman við fjárfestana á morgun. Jón Helgi Egilsson, framkvæmdastjóri Seed Forum í Bandaríkjunum, segir fyrirtækin eiga það sammerkt að leita til fjárfesta til að hraða vexti þeirra. Flest eru fyrirtækin í smærri kantinum og mislangt á veg komin með vörur sínar. Sum þeirra eru reyndar þegar með vörur á markaði jafnt hér sem erlendis. Þau eigi það hins vegar flest sam-merkt að vera smá í sniðum, með fáa starfsmenn, suma í hlutastarfi, og þurfa að sinna ýmsum aukaverkefnum til að tryggja rekstrargrundvöll sinn. Þau geta því ekki einbeitt sér að stóra verkefninu. Til þess þurfa þau aukið fjármagn.„Speed forum“jón helgi egilsson Aðkoma viðskiptaengla í sprotafyrirtæki er dýrmætt skref, að sögn Jóns Helga, framkvæmdastjóra Seed Forum. Markaðurinn/GVAÞað er fjarri því auðunnið verk að komast að á fjárfestaþingi Seed Forum. Sprotafyrirtækin eiga það flest hver sammerkt að hafa fetað krókastigu í leit að fjármagni. En það er erfitt mál. „Þessi fyrirtæki eru of lítil svo bankar sjái hag sinn í því að fjárfesta í þeim. Þá eru þau of skammt á veg komin til að fjárfestingasjóðir á borð við Brú setji fjármagn í þau,“ segir Jón Helgi. Hann bendir á að fjárfestingasjóðirnir tilnefni þau sprotafyrirtæki sem þeim líst vel á en hafi ekki hlotið náð fyrir augum sjóðsins. Eftir nokkra síu eru fulltrúar frá nokkrum sprotafyrirtækjum síðan valdir til þátttöku á þinginu. En þar er ekki sagan öll því allir fulltrúar fyrirtækjanna fá þjálfun í því hvernig þeir eigi að kynna vörur sínar fyrir viðskiptaenglunum á mjög markvissan hátt.Jón segir þjálfunina af hinu góða enda nýti fulltrúar fyrirtækjanna tækifærið, kynnist hver öðrum og myndi tengsl við fulltrúa fyrirtækis í svipuðum geira. Að slíku tengslaneti sé gott að búa í framtíðinni, að hans sögn.Forsvarsmenn allra sprotafyrirtækjanna sem þátt taka í fjárfestaþinginu á morgun fengu ítarlega þjálfun fyrir kynningu sína í Osló í Noregi fyrir viku. Þetta er viðamikil þjálfun sem stóð frá þriðjudagsmorgni og langt fram á kvöld auk þess sem hálfum miðvikudeginum var varið í þjálfunina. Þjálfunin var ströng, ítarleg og mál manna að mjög fagmannlega hafi verið að verki staðið hvernig eigi að kynna fyrirtækin í mjög afmörkuðu og skýru máli. Var einum viðmælanda Markaðarins á orði að fremur ætti fjárfestingaþingið að heita „Speed Forum“ en Seed Forum og vísaði hann til þess að fulltrúi hvers fyrirtækis fyrir sig fær ekki nema sjö mínútur til að kynna starfsemi fyrirtækisins fyrir fjárfestum á morgun.leitað eftir mismiklu fjármagniÍslensku sprotafyrirtækin sem vinna að því að heilla viðskiptaenglana upp úr skónum á morgun eru af öllum stærðum og gerðum. Þar á meðal er eitt netfyrirtæki, annað í lyfjaþróun, það þriðja í heilbrigðisgeiranum en fjórða fyrirtækið selur afnotaleyfi á einkaleyfisvernduðum ferlum. Þá eru þrjú fyrirtæki frá Norðurlöndunum sem starfa á sviði upplýsingatækni og fjármála.Jón Helgi segir fyrirtækin sjö leita eftir misháu fjármagni til rekstursins. Allt fer það eftir starfsemi þeirra og næstu skrefum. „Þetta getur verið allt frá 30 milljónum króna upp í einn og hálfan milljarð,“ segir Jón Helgi og bætir við að fleiri en einn viðskiptaengill geti ákveðið að fjárfesta í hverju einstöku fyrirtæki fyrir sig.Jón segir að sprotafyrirtækin öll geti ekki átt von á að viðskiptaengill ákveði að leggja fjármagn til reksturs þeirra. „Við erum að sjá um það bil einn þriðja fyrirtækja loka samningum við fjárfesta í framhaldi af þingum sem þessum. Sumir gera það fljótlega eftir þingið en aðrir síðar. Það er engu að síður góður árangur,“ segir Jón Helgi og bætir því við að um 30 prósenta árangur sé mjög stórt hlutfall.Fjárfestaþing fyrir allaSkráning á fjárfestaþing Seed Forum hefst klukkan 8.30 í húsakynnum deCode í Vatnsmýrinni og er það öllum opið. Halla Tómasdóttir, framkvæmdastjóri Viðskiptaráðs Íslands, setur það klukkan 9 en að því loknu munu fulltrúar allra fyrirtækja kynna sig stuttlega. Þar á eftir heldur Sigurjón Þ. Árnason, bankastjóri Landsbankans, erindi. Sjálf kynning fyrirtækjanna hefst að því loknu og hefur hver fulltrúi sprotafyrirtækjanna sjö mínútur til umráða.Gert er ráð fyrir því að þinginu ljúki klukkan 11.30. Að loknum léttum hádegisverði mun deCode kynna starfsemi sína og framtíðarhorfur fyrir gestum og gefst þeim síðan kostur á að skoða húsnæðið. Undir smásjánni Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Fyrsta flugi Icelandair til Pittsburgh fagnað Viðskipti Segir arðgreiðslur ÁTVR hafa lækkað um 400 milljónir vegna netsölu Viðskipti innlent Dagar Workplace eru taldir Viðskipti erlent Base parking gjaldþrota Viðskipti innlent Fóru í fyrsta flugið milli Calgary og Keflavíkurflugvallar Viðskipti innlent Fyrirtæki hvött til að halda upp á daginn í dag og gera sér dagamun Atvinnulíf Segir að Play sé og verði áfram með höfuðstöðvar á Íslandi Viðskipti innlent Snillingur í útlöndum: „Þegar vinirnir keyptu sér nammi keypti ég mér diskókúlur“ Atvinnulíf Forstjóri Play íhugar að fljúga frekar til Íslands en frá Viðskipti innlent Keyptu Herkastalann á hálfan milljarð Viðskipti innlent Fleiri fréttir Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Stefna á opnun fyrsta skammtíma raforkumarkaðarins á næsta ári Bein útsending frá Nýsköpunarviku Sparisjóður hagnaðist um 205 milljónir króna Starfsfólk fær 150 milljónir í hlutabréfum Magnús eignast Latabæ á nýjan leik Ráðin framkvæmdastjóri Rue de Net Almennt útboð Íslandshótela hefst á morgun Ætlar að gera Grillhúsið að heitasta staðnum í Borgarnesi Landsvirkjun selur í fyrsta skipti í raforkukauphöll Ráðin forstöðukona Nýrra orkukosta Eigendur TGI Fridays kaupa Grillhúsið Freyr ráðinn til Eflingar Tilnefndur sem besti leikur fyrir snjalltæki á Norðurlöndum MAST olli Brúneggjum tjóni en RÚV sýknað Tilboðið afturkallað og Eik öðlast frelsi til athafna á ný Brottfarirnar í apríl nokkuð færri en á síðasta ári Engin hópuppsögn í apríl Fer frá Deloitte til Góðra samskipta Mun stýra tæknisviði Carbfix Íslendingar þurfi að gæta hófs í vexti efnahagslífsins Hagnaðist um tæpa ellefu milljarða þrátt slæman búskap Sjá meira
Seed Forum blæs til fjárfestaþings í fimmta sinn í Reykjavík á morgun. Á þinginu kynna sjö fulltrúar jafn margra sprotafyrirtækja starfsemi, vörur og vaxtarhorfur fyrir svokölluðum viðskiptaenglum, efnameiri einstaklingum sem hafa bolmagn til fjárfestinga í sprotafyrirtækjum. Viðskiptaenglar hafa iðulega reynslu af fyrirtækjarekstri ýmiss konar og getur aðkoma þeirra því verið sprotafyrirtæki dýrmætt tækifæri sem er að stíga sín fyrstu skref. Fjárfestaþingið á morgun verður það fyrsta í röð 18 þinga í vor en á haustdögum verður þráðurinn tekinn upp að nýju með 21 þingi. Flest fyrirtækjanna eru frá Norðurlöndunum en í ljósi mikillar athygli sem Seed Forum hefur fengið víða um heim hafa sprotafyrirtæki frá Bandaríkjunum, Bretlandi og Austur-Evrópu lýst yfir áhuga á því að bætast í hópinn. Þar af eru fjögur íslensk fyrirtæki sem munu leiða hesta sína saman við fjárfestana á morgun. Jón Helgi Egilsson, framkvæmdastjóri Seed Forum í Bandaríkjunum, segir fyrirtækin eiga það sammerkt að leita til fjárfesta til að hraða vexti þeirra. Flest eru fyrirtækin í smærri kantinum og mislangt á veg komin með vörur sínar. Sum þeirra eru reyndar þegar með vörur á markaði jafnt hér sem erlendis. Þau eigi það hins vegar flest sam-merkt að vera smá í sniðum, með fáa starfsmenn, suma í hlutastarfi, og þurfa að sinna ýmsum aukaverkefnum til að tryggja rekstrargrundvöll sinn. Þau geta því ekki einbeitt sér að stóra verkefninu. Til þess þurfa þau aukið fjármagn.„Speed forum“jón helgi egilsson Aðkoma viðskiptaengla í sprotafyrirtæki er dýrmætt skref, að sögn Jóns Helga, framkvæmdastjóra Seed Forum. Markaðurinn/GVAÞað er fjarri því auðunnið verk að komast að á fjárfestaþingi Seed Forum. Sprotafyrirtækin eiga það flest hver sammerkt að hafa fetað krókastigu í leit að fjármagni. En það er erfitt mál. „Þessi fyrirtæki eru of lítil svo bankar sjái hag sinn í því að fjárfesta í þeim. Þá eru þau of skammt á veg komin til að fjárfestingasjóðir á borð við Brú setji fjármagn í þau,“ segir Jón Helgi. Hann bendir á að fjárfestingasjóðirnir tilnefni þau sprotafyrirtæki sem þeim líst vel á en hafi ekki hlotið náð fyrir augum sjóðsins. Eftir nokkra síu eru fulltrúar frá nokkrum sprotafyrirtækjum síðan valdir til þátttöku á þinginu. En þar er ekki sagan öll því allir fulltrúar fyrirtækjanna fá þjálfun í því hvernig þeir eigi að kynna vörur sínar fyrir viðskiptaenglunum á mjög markvissan hátt.Jón segir þjálfunina af hinu góða enda nýti fulltrúar fyrirtækjanna tækifærið, kynnist hver öðrum og myndi tengsl við fulltrúa fyrirtækis í svipuðum geira. Að slíku tengslaneti sé gott að búa í framtíðinni, að hans sögn.Forsvarsmenn allra sprotafyrirtækjanna sem þátt taka í fjárfestaþinginu á morgun fengu ítarlega þjálfun fyrir kynningu sína í Osló í Noregi fyrir viku. Þetta er viðamikil þjálfun sem stóð frá þriðjudagsmorgni og langt fram á kvöld auk þess sem hálfum miðvikudeginum var varið í þjálfunina. Þjálfunin var ströng, ítarleg og mál manna að mjög fagmannlega hafi verið að verki staðið hvernig eigi að kynna fyrirtækin í mjög afmörkuðu og skýru máli. Var einum viðmælanda Markaðarins á orði að fremur ætti fjárfestingaþingið að heita „Speed Forum“ en Seed Forum og vísaði hann til þess að fulltrúi hvers fyrirtækis fyrir sig fær ekki nema sjö mínútur til að kynna starfsemi fyrirtækisins fyrir fjárfestum á morgun.leitað eftir mismiklu fjármagniÍslensku sprotafyrirtækin sem vinna að því að heilla viðskiptaenglana upp úr skónum á morgun eru af öllum stærðum og gerðum. Þar á meðal er eitt netfyrirtæki, annað í lyfjaþróun, það þriðja í heilbrigðisgeiranum en fjórða fyrirtækið selur afnotaleyfi á einkaleyfisvernduðum ferlum. Þá eru þrjú fyrirtæki frá Norðurlöndunum sem starfa á sviði upplýsingatækni og fjármála.Jón Helgi segir fyrirtækin sjö leita eftir misháu fjármagni til rekstursins. Allt fer það eftir starfsemi þeirra og næstu skrefum. „Þetta getur verið allt frá 30 milljónum króna upp í einn og hálfan milljarð,“ segir Jón Helgi og bætir við að fleiri en einn viðskiptaengill geti ákveðið að fjárfesta í hverju einstöku fyrirtæki fyrir sig.Jón segir að sprotafyrirtækin öll geti ekki átt von á að viðskiptaengill ákveði að leggja fjármagn til reksturs þeirra. „Við erum að sjá um það bil einn þriðja fyrirtækja loka samningum við fjárfesta í framhaldi af þingum sem þessum. Sumir gera það fljótlega eftir þingið en aðrir síðar. Það er engu að síður góður árangur,“ segir Jón Helgi og bætir því við að um 30 prósenta árangur sé mjög stórt hlutfall.Fjárfestaþing fyrir allaSkráning á fjárfestaþing Seed Forum hefst klukkan 8.30 í húsakynnum deCode í Vatnsmýrinni og er það öllum opið. Halla Tómasdóttir, framkvæmdastjóri Viðskiptaráðs Íslands, setur það klukkan 9 en að því loknu munu fulltrúar allra fyrirtækja kynna sig stuttlega. Þar á eftir heldur Sigurjón Þ. Árnason, bankastjóri Landsbankans, erindi. Sjálf kynning fyrirtækjanna hefst að því loknu og hefur hver fulltrúi sprotafyrirtækjanna sjö mínútur til umráða.Gert er ráð fyrir því að þinginu ljúki klukkan 11.30. Að loknum léttum hádegisverði mun deCode kynna starfsemi sína og framtíðarhorfur fyrir gestum og gefst þeim síðan kostur á að skoða húsnæðið.
Undir smásjánni Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Fyrsta flugi Icelandair til Pittsburgh fagnað Viðskipti Segir arðgreiðslur ÁTVR hafa lækkað um 400 milljónir vegna netsölu Viðskipti innlent Dagar Workplace eru taldir Viðskipti erlent Base parking gjaldþrota Viðskipti innlent Fóru í fyrsta flugið milli Calgary og Keflavíkurflugvallar Viðskipti innlent Fyrirtæki hvött til að halda upp á daginn í dag og gera sér dagamun Atvinnulíf Segir að Play sé og verði áfram með höfuðstöðvar á Íslandi Viðskipti innlent Snillingur í útlöndum: „Þegar vinirnir keyptu sér nammi keypti ég mér diskókúlur“ Atvinnulíf Forstjóri Play íhugar að fljúga frekar til Íslands en frá Viðskipti innlent Keyptu Herkastalann á hálfan milljarð Viðskipti innlent Fleiri fréttir Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Stefna á opnun fyrsta skammtíma raforkumarkaðarins á næsta ári Bein útsending frá Nýsköpunarviku Sparisjóður hagnaðist um 205 milljónir króna Starfsfólk fær 150 milljónir í hlutabréfum Magnús eignast Latabæ á nýjan leik Ráðin framkvæmdastjóri Rue de Net Almennt útboð Íslandshótela hefst á morgun Ætlar að gera Grillhúsið að heitasta staðnum í Borgarnesi Landsvirkjun selur í fyrsta skipti í raforkukauphöll Ráðin forstöðukona Nýrra orkukosta Eigendur TGI Fridays kaupa Grillhúsið Freyr ráðinn til Eflingar Tilnefndur sem besti leikur fyrir snjalltæki á Norðurlöndum MAST olli Brúneggjum tjóni en RÚV sýknað Tilboðið afturkallað og Eik öðlast frelsi til athafna á ný Brottfarirnar í apríl nokkuð færri en á síðasta ári Engin hópuppsögn í apríl Fer frá Deloitte til Góðra samskipta Mun stýra tæknisviði Carbfix Íslendingar þurfi að gæta hófs í vexti efnahagslífsins Hagnaðist um tæpa ellefu milljarða þrátt slæman búskap Sjá meira