Selur Íslendingum sælkerafæði 14. febrúar 2007 00:01 Muriel Claude Daniele Léglise Muriel Léglise bjó í Lúxemborg um síðustu aldamót og starfaði hjá Evrópuráðinu. Þar deildi hún íbúð með tveimur íslenskum stelpum og varð þeim vel til vina. Þessar vinkonur hennar voru hvatinn að því að hún heimsótti Ísland. Að eigin sögn fékk hún svo góða tilfinningu fyrir landinu að hún var flutt hingað með allt sitt hafurtask innan við ári síðar. Innan skamms kynntist hún eiginmanni sínum, Sigurði Grétari Halldórssyni, framkvæmdastjóra Netvistunar, og hóf fljótlega nám í viðskiptafræði við Háskóla Íslands. Hún gerði hlé á námi sínu þegar hún fékk þær fréttir að hún væri ófrísk að tvíburum. Eignaðist hún tvo heilbrigða drengi og bætti svo um betur nokkru síðar og bætti stelpu í hópinn. Í síðustu viku útskrifaðist hún með diplómagráðu í alþjóðaviðskiptum við Endurmenntunarstofnun Háskóla Íslands.Konfekt og gæsalifurMuriel ólst upp við það að móðir hennar dvaldi klukkutímunum saman í eldhúsinu til að nostra við sunnudagsmatinn. Að borða var ekki bara til þess að næra sig heldur fyrst og fremst til þess að njóta bragðsins og samverunnar. Á Íslandi þótti henni skorta á bæði þekkingu og þjónustu Íslendinga þegar kom að evrópskum sælkeravörum. Eitt þótti henni öðru fremur vanta – alvöru hágæðakonfekt frá föðurlandinu Belgíu. Til að ráða bót á þessum skorti og til að kynna alvöru sælkerafæði fyrir Íslendingum stofnaði Muriel því sitt eigið fyrirtæki sem fékk nafnið Veislumeistarinn. Til að byrja með flutti Muriel eingöngu inn hágæðakonfekt. Fljótlega vatt starfsemin upp á sig og í dag flytur hún ýmsar tegundir af sælkera-mat inn til landsins til viðbótar við konfektið. Má þar nefna gæsalifur, eða foie gras, af bestu gerð og belgíska sælgætið Dragée. Vörurnar hefur hún til sölu meðal annars í Vínberinu á Laugavegi, Ostabúðinni á Skólavörðustíg, verslunum Fylgifiska, Sandholt bakaríi, Gallery kjöti og í Mosfellsbakaríi. Hún stefnir nú á að auka enn við þjónustuna og gæði varanna, meðal annars með því að kaupa vörurnar beint af framleiðendunum án þess að notast við milliliði.Starfsemi Veislumeistarans snýst um fleira en innflutning. Muriel býður veisluráðgjöf fyrir skírnarveislur, fermingar, brúðkaup og aðra stórviðburði. Hún hefur einnig átt í samstarfi við Stéphane Aubergy, franskan víninnflytjanda sem rekur fyrirtækið Vínekruna. Saman bjóða þau einstaklingum og fyrirtækjum upp á kynningu undir nafninu „Vín og súkkulaði“. Hún segir marga Íslendinga ekki gera sér grein fyrir því að súkkulaði og vín fari afbragðs vel saman, sé það rétt saman sett.Auk þess að leiða Íslendinga í allan sannleika um belgískan sælkeramat er Muriel formaður Félags frönskumælandi á Íslandi. Það er sífellt stækkandi hópur fólks sem hittist mánaðarlega með það eitt að markmiði að tala frönsku og skemmta sér. Þetta segir hún bæði mikilvægt þar sem mikið er af blönduðum hjónaböndum hér þar sem börnin eru tvítyngd. Hollt sé fyrir þau að sjá að fleiri fjölskyldur búa við svipaðar aðstæður. Þá fari frönskumælandi Íslendingum jafnframt fjölgandi í hópnum. Belgar eru sjálfsagt í minnihluta í hópnum en samkvæmt tölum frá Hagstofunni búa einungis 94 Belgar hér á landi.Pollagallar og fiskbúðirTalsverð viðskipti eru milli Belgíu og Íslands. Upplýsingar frá Hagstofunni sýna að á fyrstu ellefu mánuðum ársins 2006 voru fluttar vörur hingað til lands frá Belgíu fyrir rúma sex milljarða króna. Er þar fyrst og fremst um að ræða matvæli af ýmsu tagi, plöntur, vefnaðarvörur og fatnað. Frá Íslandi til Belgíu fer meðal annars lambakjöt, fiskmeti og álblendi og á tímabilinu voru fluttar út vörur fyrir 4,3 milljarða króna.„Pollagallar!“ er það fyrsta sem Muriel dettur í hug, sem svar við því hvaða íslensku vörur Belgar myndu helst kunna að meta. Þegar hún kom hingað til lands varð hún nefnilega frá sér numin af hrifningu þegar hún sá fyrst slíkar flíkur. „Í Belgíu eru ekki til pollagallar. Það er í raun mjög skrýtið því það rignir mikið þar.“Belgíska hagkerfið telst mjög opið og hefur á undanförnum árum þróast út í að vera mikið þjónustuhagkerfi. Belgía er eitt af upphafsríkjum Evrópusambandsins og þar er hin eiginlega höfuðborg Evrópu, Brussel. Íbúar landsins eru upp til hópa miklir Evrópusinnar. Þrátt fyrir það telur Muriel belgíska markaðinn nokkuð erfiðan. Bæði sé samkeppnin um hylli neytenda mikil og markaðurinn því sem næst mettaður á öllum sviðum. Hún telur þó eina hugmynd geta vel átt upp á pallborðið hjá belgískum neytendum – íslenskar sælkerafiskbúðir. „Það er mjög erfitt að fá ferskan fisk í Belgíu. Hann er oft meira en viku gamall þegar hann loksins kemst til neytandans. Það myndi því örugglega slá í gegn ef eitthvert stórfyrirtæki frá Íslandi tæki sig til og opnaði margar litlar fiskbúðir í Belgíu sem seldu ferskan fisk.“ Undir smásjánni Viðtöl Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Matvöruverslun og íbúðir steinsnar frá Keflavíkurflugvelli Viðskipti innlent Mun bjóða upp á sömu flugáætlun og Bláfugl áður Viðskipti innlent Krökkunum finnst hálf hallærislegt að mamman kunni Friends þættina utan að Atvinnulíf Þarf að greiða kortareikninginn og meira til í málskostnað Neytendur Dýrmætustu og sjaldgæfustu Mustang bílar landsins á afmælissýningu Mustang Samstarf Krónísk óstundvísi: Skýringar og góð ráð Atvinnulíf Viljinn tekinn til gjaldþrotaskipta Viðskipti innlent Stofnandi Binance dæmdur fyrir peningaþvætti Viðskipti erlent Tekjur Apple drógust saman enn eina ferðina Viðskipti erlent Röntgen Domus og Orkuhúsið fá ekki að sameinast Viðskipti innlent Fleiri fréttir Matvöruverslun og íbúðir steinsnar frá Keflavíkurflugvelli Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Sjá meira
Muriel Léglise bjó í Lúxemborg um síðustu aldamót og starfaði hjá Evrópuráðinu. Þar deildi hún íbúð með tveimur íslenskum stelpum og varð þeim vel til vina. Þessar vinkonur hennar voru hvatinn að því að hún heimsótti Ísland. Að eigin sögn fékk hún svo góða tilfinningu fyrir landinu að hún var flutt hingað með allt sitt hafurtask innan við ári síðar. Innan skamms kynntist hún eiginmanni sínum, Sigurði Grétari Halldórssyni, framkvæmdastjóra Netvistunar, og hóf fljótlega nám í viðskiptafræði við Háskóla Íslands. Hún gerði hlé á námi sínu þegar hún fékk þær fréttir að hún væri ófrísk að tvíburum. Eignaðist hún tvo heilbrigða drengi og bætti svo um betur nokkru síðar og bætti stelpu í hópinn. Í síðustu viku útskrifaðist hún með diplómagráðu í alþjóðaviðskiptum við Endurmenntunarstofnun Háskóla Íslands.Konfekt og gæsalifurMuriel ólst upp við það að móðir hennar dvaldi klukkutímunum saman í eldhúsinu til að nostra við sunnudagsmatinn. Að borða var ekki bara til þess að næra sig heldur fyrst og fremst til þess að njóta bragðsins og samverunnar. Á Íslandi þótti henni skorta á bæði þekkingu og þjónustu Íslendinga þegar kom að evrópskum sælkeravörum. Eitt þótti henni öðru fremur vanta – alvöru hágæðakonfekt frá föðurlandinu Belgíu. Til að ráða bót á þessum skorti og til að kynna alvöru sælkerafæði fyrir Íslendingum stofnaði Muriel því sitt eigið fyrirtæki sem fékk nafnið Veislumeistarinn. Til að byrja með flutti Muriel eingöngu inn hágæðakonfekt. Fljótlega vatt starfsemin upp á sig og í dag flytur hún ýmsar tegundir af sælkera-mat inn til landsins til viðbótar við konfektið. Má þar nefna gæsalifur, eða foie gras, af bestu gerð og belgíska sælgætið Dragée. Vörurnar hefur hún til sölu meðal annars í Vínberinu á Laugavegi, Ostabúðinni á Skólavörðustíg, verslunum Fylgifiska, Sandholt bakaríi, Gallery kjöti og í Mosfellsbakaríi. Hún stefnir nú á að auka enn við þjónustuna og gæði varanna, meðal annars með því að kaupa vörurnar beint af framleiðendunum án þess að notast við milliliði.Starfsemi Veislumeistarans snýst um fleira en innflutning. Muriel býður veisluráðgjöf fyrir skírnarveislur, fermingar, brúðkaup og aðra stórviðburði. Hún hefur einnig átt í samstarfi við Stéphane Aubergy, franskan víninnflytjanda sem rekur fyrirtækið Vínekruna. Saman bjóða þau einstaklingum og fyrirtækjum upp á kynningu undir nafninu „Vín og súkkulaði“. Hún segir marga Íslendinga ekki gera sér grein fyrir því að súkkulaði og vín fari afbragðs vel saman, sé það rétt saman sett.Auk þess að leiða Íslendinga í allan sannleika um belgískan sælkeramat er Muriel formaður Félags frönskumælandi á Íslandi. Það er sífellt stækkandi hópur fólks sem hittist mánaðarlega með það eitt að markmiði að tala frönsku og skemmta sér. Þetta segir hún bæði mikilvægt þar sem mikið er af blönduðum hjónaböndum hér þar sem börnin eru tvítyngd. Hollt sé fyrir þau að sjá að fleiri fjölskyldur búa við svipaðar aðstæður. Þá fari frönskumælandi Íslendingum jafnframt fjölgandi í hópnum. Belgar eru sjálfsagt í minnihluta í hópnum en samkvæmt tölum frá Hagstofunni búa einungis 94 Belgar hér á landi.Pollagallar og fiskbúðirTalsverð viðskipti eru milli Belgíu og Íslands. Upplýsingar frá Hagstofunni sýna að á fyrstu ellefu mánuðum ársins 2006 voru fluttar vörur hingað til lands frá Belgíu fyrir rúma sex milljarða króna. Er þar fyrst og fremst um að ræða matvæli af ýmsu tagi, plöntur, vefnaðarvörur og fatnað. Frá Íslandi til Belgíu fer meðal annars lambakjöt, fiskmeti og álblendi og á tímabilinu voru fluttar út vörur fyrir 4,3 milljarða króna.„Pollagallar!“ er það fyrsta sem Muriel dettur í hug, sem svar við því hvaða íslensku vörur Belgar myndu helst kunna að meta. Þegar hún kom hingað til lands varð hún nefnilega frá sér numin af hrifningu þegar hún sá fyrst slíkar flíkur. „Í Belgíu eru ekki til pollagallar. Það er í raun mjög skrýtið því það rignir mikið þar.“Belgíska hagkerfið telst mjög opið og hefur á undanförnum árum þróast út í að vera mikið þjónustuhagkerfi. Belgía er eitt af upphafsríkjum Evrópusambandsins og þar er hin eiginlega höfuðborg Evrópu, Brussel. Íbúar landsins eru upp til hópa miklir Evrópusinnar. Þrátt fyrir það telur Muriel belgíska markaðinn nokkuð erfiðan. Bæði sé samkeppnin um hylli neytenda mikil og markaðurinn því sem næst mettaður á öllum sviðum. Hún telur þó eina hugmynd geta vel átt upp á pallborðið hjá belgískum neytendum – íslenskar sælkerafiskbúðir. „Það er mjög erfitt að fá ferskan fisk í Belgíu. Hann er oft meira en viku gamall þegar hann loksins kemst til neytandans. Það myndi því örugglega slá í gegn ef eitthvert stórfyrirtæki frá Íslandi tæki sig til og opnaði margar litlar fiskbúðir í Belgíu sem seldu ferskan fisk.“
Undir smásjánni Viðtöl Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Matvöruverslun og íbúðir steinsnar frá Keflavíkurflugvelli Viðskipti innlent Mun bjóða upp á sömu flugáætlun og Bláfugl áður Viðskipti innlent Krökkunum finnst hálf hallærislegt að mamman kunni Friends þættina utan að Atvinnulíf Þarf að greiða kortareikninginn og meira til í málskostnað Neytendur Dýrmætustu og sjaldgæfustu Mustang bílar landsins á afmælissýningu Mustang Samstarf Krónísk óstundvísi: Skýringar og góð ráð Atvinnulíf Viljinn tekinn til gjaldþrotaskipta Viðskipti innlent Stofnandi Binance dæmdur fyrir peningaþvætti Viðskipti erlent Tekjur Apple drógust saman enn eina ferðina Viðskipti erlent Röntgen Domus og Orkuhúsið fá ekki að sameinast Viðskipti innlent Fleiri fréttir Matvöruverslun og íbúðir steinsnar frá Keflavíkurflugvelli Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Sjá meira