Federer marði Haas

Roger Federer marði sigur á Tommy Haas á opna ástralska meistaramótinu í tennis í dag og er kominn í undanúrslit á mótinu. Fátt benti til annars en að Federer yrði öruggur sigurvegari eftir að hann vann auðveldan sigur í fyrstu tveimur settunum, en Haas sýndi mikla festu og vann næstu tvö sett.

Það var svo vafasamur dómur sem varð til þess að Haas fataðist flugið og það nýtti stigahæsti tennisleikari heims sér og vann að lokum 6-4, 6-0, 3-3, 4-6 og 6-2. Federer mætir Nikolay Davydenko í undanúrslitunum.