Skallagrímur á toppinn

Skallagrímsmenn komust í kvöld upp að hlið Snæfells og KR á toppi úrvalsdeildar karla í körfubolta með sigri á grönnum sínum í Snæfelli í uppgjöri vesturlandsliðanna í Borgarnesi 83-77. KR vann auðveldan sigur á Tindastól 109-89, Hamar lagði Fjölni á útivelli 88-83 og Þór Þorlákshöfn lagði ÍR 82-78.

Spennan á toppnum í úrvalsdeildinni heldur þvi áfram, en Skallagrímur, Snæfell og KR eru efst og jöfn með 16 stig eftir 10 leiki og Íslandsmeistarar Njarðvíkur og Keflvíkingar geta náð toppliðunum þremur ef þau vinna sigur í leikjunum tveimur sem liðin eiga til góða. Grindavík hefur svo 12 stig í 6. sætinu og á leik til góða á toppliðin.