Tveggja sólarhringa biðröð eftir Playstation 3

Æstir aðdáendur Playstation leikjatölvanna láta sig ekki muna um að standa tvo sólarhringa í röð til þess að fá að kaupa þriðju og nýjustu útgáfu leikjatölvunnar. Hún kemur í búðir á morgun í New York en röðin byrjaði að myndast í gær.

Spenntir spilarar í röðinni segjast hafa beðið nógu lengi því að upphaflega átti nýjasta útgáfan að koma í mars síðastliðnum. Hún fer hins vegar ekki í sölu í Evrópu fyrr en á næsta ári.