Viðskipti erlent

Tafir á afhendingu risaþota frá Airbus

Frá tilraunaflugi á A380 risaþotum frá Airbus í lok ágúst á þessu ári.
Frá tilraunaflugi á A380 risaþotum frá Airbus í lok ágúst á þessu ári. Mynd/AP

Mörg af stærstu flugfélögum í heimi munu vera að endurskoða pantanir sínar á A380 risaþotum eftir að stjórn EADS, móðurfélags evrópska flugvélaframleiðandans Airbus, greindi frá því að afhending á risaþotunum myndi dragast fram á haustið 2007.

Flugfélögin Emirates, Virgin Atlantic, Singapore Airline og Qantas lýstu yfir vonbrigðum með tafirnar. Sérfræðingar segja hins vegar litlar líkur á að flugfélögin dragi pantanir sínar á risaþotunum til baka en svo kunni að fara að Airbus þurfi að greiða félögunum skaðabætur vegna þessa.

Eins og mál standa nú er fyrirhugað að Airbus afhendi eina risaþotu í október á næsta ári. Áætlað var hins vegar að afhenda Singapore Airlines níu flugvélar í desember á þessu ári.

Gengi hlutabréfa í EADS féllu um 8 prósent í kauphöllinni í París í Frakklandi vegna fréttanna.



Erlent Fréttir Viðskipti


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið