Hagnaður Alfesca 1,1 milljarður króna

Hagnaður af rekstri Alfesca á síðasta ári, sem lauk í júní, nam 12 milljón evrum eða eða tæplega 1,1 milljarði króna. Á fjórða fjárhagsári fyrirtækisins tapaði það hins vegar 603.000 evra eða 53,6 milljónum íslenskra króna.

Í tilkynningu til Kauphallar Íslands kemur fram að sala á fjárhagsárinu hafi numið 554,7 milljónum evra eða rúmlega 49 milljörðum króna samanborið við 506,8 milljónir evra, jafnvirði 45,1 milljarði króna, árið á undan. Það jafngildir 9,4 prósenta innri vexti á milli ára.

Fram kemur að EBITDA á fjárhagsárinu nam 43,8 milljónum evra eða um 3,9 milljörðum króna af reglulegri starfsemi en 6,4 milljónum evra eða 569 milljónum íslenskra króna á fjórða ársfjórðungi.

Í ársuppgjöri fyrirtækisins segir að þrátt fyrir erfiðar markaðsaðstæður sé rekstrarafkoma Alfesca góð. Skýrist það af öflugum innri vexti eða 16 prósenta á fjórða ársfjórðungi og 9,4 prósenta innri vaxtar fyrir árið í heild. Þá hefur skilvirkni aukist í helstu framleiðsluþáttum félagsins, m.a. í betri nýtingu hráefnis og aukinni framleiðni.

Haft er eftir Xavier Govare, forstjóra Alfesca, að rekstur fyrirtækisins hafi gengið betur á fjórða ársfjórðungi en gert hafi verið ráð þrátt fyrir hækkanir á laxaverði.

Í dag var Wimille frystiverksmiðja Delpierre í Frakklandi formlega afhent nýjum eigendum. Segir í tilkynningunni kemur fram að með því megi segja að umbreytingu Alfesca, sem hófst með kaupum á Labeyrie Group, sölu á frystiverksmiðju í Bandaríkjunum ásamt Iceland Seafood International og fleiri rekstrareiningum, sé nú lokið. Framundan sé frekari uppbygging Alfesca með áframhaldandi öflugum innri vexti og ytri vext þegar rétt tækifæri gefast.

Laxaverð náði hámarki í lok júní þegar það fór í 5,80 evrur eða tæpar 516 krónur á kíló. Hafi verðið lækkað hratt á undanförnum viku og standi það nú í 4,40 evrum á kíló eða rétt rúmlega 391 krónur á kíló.