Keppnum fækkar 2007

Landslagið í Formúlu 1 verður nokkuð breytt á næsta keppnistímabili eftir að ljóst varð að ekki verður keppt í San Marino og þá hefur Evrópukappaksturinn verið strikaður út af sakramentinu. Á móti kemur að staðfest hefur verið að keppni á Spa brautinni í Belgíu verður endurvakin eftir eins árs hlé, þar sem endurbætur voru gerðar á gömlu brautinni.

Það er því ljóst að aðeins ein keppni fer fram í Þýskalandi á næsta keppnistímabili og munu mótshaldarar á Hockenheim og Nurnburgring keppast um að fá að halda það mót.

Keppni á næsta tímabili hefst í Ástralíu þann 18. mars og lýkur í Brasilíu þann 21. október. Ítalski kappaksturinn mun fara fram á Monza brautinni og áfram verður keppt í Indianapolis í Bandaríkunum þrátt fyrir erfitt samstarf undanfarin tvö ár. Japanskappaksturinn mun færast frá Suzuka til Fuji.

Mótalistinn í Formúlu 1 árið 2007:

18 Mars: Ástralía (Melbourne)

8 Apríl: Malasía (Sepang)

15 Apríl: Bahrain (Manama)

13 Maí: Spánn (Barcelona)

27 Maí: Mónakó (Monte Carlo)

10 Júní: Kanada (Montreal)

17 Júní: Bandaríkin (Indianapolis)

1 Júlí: Frakkland (Magny-Cours)

8 Júlí: Bretland (Silverstone)

22 Júlí: Þýskaland (óráðið)

5 Ágúst: Ungverjaland (Budapest)

26 Ágúst: Tyrkland (Istanbul)

9 September: Italía (Monza)

16 September: Belgía (Spa)

30 September: Kína (Shanghai)

7 Október: Japan (Fuji)

21 Október: Brasilía (Interlagos)