Varað við erlendum fyrirtækjaskrám

Samtök verslunar og þjónustu (SVÞ) varar atvinnurekendur við fulltrúum erlendra fyrirtækjaskráa sem hafa sett sig í samband við íslensk fyrirtæki og leita eftir staðfestingu á upplýsingum um viðkomandi fyrirtæki.

Í tilkynningu frá SVÞ segir að slík staðfesting feli oft í sér, í smáaletrinu, pöntun á birtingu í viðkomandi riti eða skrá með tilheyrandi kostnaði.

SVÞ greinir sérstaklega frá fyrirtækjaskránni INTERCABLE VERLAG AG í þessu sambandi.

Nánari upplýsingar má finna á vefsíðunni www.stopecg.org.