Sveiflan tekur völdin í Idol-Stjörnuleit

Klassísk sveiflulög verða í aðalhlutverki í sjöunda úrslitaþætti Idol-Stjörnuleitar - Big Band-þættinum - sem sýndur verður í beinni útsendingu frá Smáralind á Stöð 2 í kvöld, 10 mars.

Sambærilegur úrslitaþáttur sló rækilega í gegn í síðustu Idol-Stjörnuleit og var það ekki hvað síst að þakka stórsveitinn sem lék undir. Það virtist hafa komið keppendum í rækilegt stuð því þeir léku við hvern sinn fingur.

Má fastlega gera ráð fyrir að sama verði upp á teningnum á föstudagskvöldið þegar 19 félagar úr Stórsveit Reykjavíkur munu leika af sinni alkunnu snilld undir flutningi hinna sex Idol-keppenda sem eftir eru á klassískum sveiflulögum. Óhætt er að álykta að hér muni fyrst fyrir alvöru reyna á fjölhæfni keppenda enda sannarlega ekki á færi allra að syngja svona stór og mikil lög - svo vel sé. Einnig verður spennandi að sjá hvernig þessir efnilegu söngvarar standa sig þegar þeir syngja við lifandi undirleik því þá reynir á hversu færir þeir eru að koma fram með öðrum flytjendum, sem hluti af heild. Sú samstarfshæfni mun einmitt vega þungt í þáttunum sem eftir eru því búið er að ráða hljómsveitina Ísafold til að leika undir í þeim þáttunum sem eftir eru - að undanskildum Big Band-þættinum.

Hér á eftir fer röð flytjenda, lögin sem þau syngja og þekktasti flytjandi þeirra:

Snorri Snorrason

• Snorri
• 900 9001
• sms í 1918 idol 1
• Lag: Fly me to the moon
• Þekktasti flytjandi: Frank Sinatra

Ragnheiður Sara Grímsdóttir

• Ragnheiður
• 900 9002
• sms í 1918 idol 2
• Lag: Georgia (On my mind)
• Þekktasti flytjandi: Ray Charles

Ingólfur Þórarinsson

• Ingó
• 900 9003
• sms í 1918 idol 3
• Lag: Sway
• Þekktasti flytjandi: Dean Martin / Pérez Prado

Ína Valgerður Pétursdóttir

• Ína
• 900 9004
• sms í 1918 idol 4
• Lag: Orange colored sky
• Þekktasti flytjandi: Nat King Cole

Alexander Aron Guðbjartsson

• Alexander
• 900 9005
• sms í 1918 idol 5
• Lag: I've got you under my skin
• Þekktasti flytjandi: Frank Sinatra

Bríet Sunna Valdemarsdóttir

• Bríet
• 900 9006
• sms í 1918 idol 6
• Lag: Fever
• Þekktasti flytjandi: Peggy Lee