Actavis hækkar hlutafé vegna kaupréttarsamninga

Stjórn Actavis Group hf. ákvað á föstudag í síðustu viku, 1. desember síðastliðinn, að nýta heimild sína til hækkunar hlutafjár til að mæta skuldbindingum félagsins vegna kaupréttarsamninga við starfsmenn.

Stjórn félagsins ákvað að hækka hlutafé félagsins um 14.763.976 krónur að nafnverði. Heildarhlutafé félagsins eftir framangreinda hækkun verður alls kr. 4.114.435.093 að nafnverði þar af eru kr. 3.369.453.093 (A-hlutir) skráðir í Kauphöll Íslands, að því er segir í tilkynningu frá félaginu.