Leiðirnar liggja saman á marga vegu 1. nóvember 2006 16:56 Nick Barton, einn eigenda Stamford Partners Straumur-Burðarás keypti 51 prósents hlut í Stamford Partners í sumar og gerður hefur verið bindandi samningur um kaup á hinum 49 prósentunum sem eftir eru þegar fram líða stundir. Engar áætlanir eru þó uppi um að sameina félögin tvö, enda er Stamford Partners vel þekkt vörumerki í matvæla- og drykkjariðnaðinum. Síðastliðið sumar tilkynnti Straumur-Burðarás um kaup á 51 prósents hlut í breska fjármálaráðgjafarfyrirtækinu Stamford Partners. Félagið, sem hefur starfsemi í London og Amsterdam, sérhæfir sig sérstaklega í ráðgjöf til evrópskra fyrirtækja í matvæla- og drykkjariðnaði og byggir starfsemi þess á sterkum tengslum við leiðandi fyrirtæki í greininni. Um miðjan október samþykkti breska samkeppniseftirlitið kaupin og er nú ekkert því til fyrirstöðu að félögin geti ráðist saman í verkefni. Leiðir Straums-Burðaráss og Stamford Partners geta legið saman á ýmsa vegu að sögn Nick Bartons, eins eigenda félagsins, sem staddur var hér á landi á dögunum þegar ársfjórðungsuppgjör Straums-Burðaráss var kynnt. "Hefðum við ekki tekið ákvörðun um að sameinast öðrum hefðum við sennilega ekki farið að auka við okkur á erlendri grundu, þar sem áhættan hefði verið of mikil fyrir okkur. Samstarfið við Straum-Burðarás gerir okkur kleift að komast inn á markaði eins og Þýskaland og Pólland, auk Skandinavíu. Þar eru möguleikarnir miklir í matvæla- og drykkjariðnaði, mörg fyrirtæki af minni stærðargráðu sem er einmitt sá markaður sem við höfum verið að einbeita okkur að."Ýmsar dyr gætu opnastStraumur-Burðarás og Stamford stefna í sameiningu á að hafa náð styrkri stöðu innan tveggja til fjögurra ára í Norður-Evrópu. Gera þau ráð fyrir að á þeirri leið verði leitast við að samþætta rekstur fyrirtækjanna eins og hægt er, sem muni koma báðum fyrirtækjum til góða. Milli fyrirtækjanna hefur verið gerður bindandi samningur um að Straumur-Burðarás kaupi hin 49 prósentin sem eftir eru þegar fram líða stundir. Það eru þó engar áætlanir uppi um að sameina félögin tvö, enda er Stamford Partners vel þekkt vörumerki í matvæla- og drykkjariðnaðinum.Tengsl Stamford Partners við leiðandi fyrirtæki í matvæla- og drykkjariðnaði koma til með að opna ýmsar dyr fyrir Straumi-Burðarási ef að líkum lætur. "Í starfi okkar komumst við oft á tíðum í kynni við frumkvöðla, ekki síst fólk sem starfar hjá stærri fyrirtækjum og hefur hug á að kaupa sitt eigið fyrirtæki. Þannig höfum við séð mörg tækifæri sem við höfum hingað til ekki haft möguleika á að nýta á annan hátt en þann að vinna sem ráðgjafar að kaupunum og fá fyrir það þóknun. Stærsta viðskiptatækifærið liggur nefnilega í því að hafa aðgang að fjármagni og hafa möguleikann á því að veita ekki bara ráðgjöf heldur að vinna að samningnum frá a til ö." Þarna kemur Straumur-Burðarás inn í dæmið því í sameiningu munu félögin geta boðið upp á ráðgjöf og fjármögnun á einum stað.Frumkvöðlaandinn mikilvægurBarton segir fleiri stóra fjárfestingarbanka hafa komið til máls við Stamford Partners um kaup á félaginu en Straumur-Burðarás hafi orðið fyrir valinu vegna frumkvöðlaandans sem ríkir innan fyrirtækisins. "Fólkið sem vinnur hjá Straumi-Burðarási hefur frumkvæði, það er tilbúið að ráðast í hlutina og það er sveigjanlegt. Þetta eru þau gildi sem hafa alltaf verið okkur hjá Stamford Partners mikilvæg. Margir stærri fjárfestingarbankar byggja líka á viðskiptamódeli sem virkar ekki fyrir okkur - að gera mjög stóra samninga og sjá um allt sem að honum kemur. Það virkar ekki mjög vel í matar- og drykkjariðnaðinum vegna þess að mjög stórir samningar eru fáir í hlutfalli við þá smærri. Þessi minni fyrirtæki sem við erum að fókusa á krefjast meiri sveigjanleika og frumkvöðlaanda í samningavenjum, vegna þess að oftar en ekki eru það frumkvöðlar sem sitja hinum megin borðsins." Fréttaskýringar Undir smásjánni Viðskipti Mest lesið Engar viðræður fyrr en Trump fellir niður tolla Viðskipti erlent „Þetta er ömurleg staða“ Viðskipti innlent Segja afkomuna ásættanlega þrátt fyrir tap Viðskipti innlent Minni sala í skugga slæmra efnahagshorfa Viðskipti erlent Syndis kaupir Ísskóga Viðskipti innlent Sekta TikTok um tæpa áttatíu milljarða Viðskipti erlent Fokdýr jólagjöf til dætranna reyndist eintóm blekking Neytendur Mikill samdráttur á pöntunum til kínverskra verksmiðja Viðskipti erlent Þau vilja stýra ÁTVR Viðskipti innlent Landsbankinn hagnaðist um 7,9 milljarða á fyrsta ársfjórðungi Viðskipti innlent Fleiri fréttir Syndis kaupir Ísskóga Segja afkomuna ásættanlega þrátt fyrir tap „Þetta er ömurleg staða“ Landsbankinn hagnaðist um 7,9 milljarða á fyrsta ársfjórðungi Hætta við að selja hlutina í Olíudreifingu Tap á Vinnslustöðinni og fjárfestingar settar á ís Rannsaka meint samkeppnisbrot Landsvirkjunar Staðfesta frávísun vegna stefnu Samskipa í samráðsmáli Play tapaði þremur og hálfum milljarði á fyrsta ársfjórðungi Staðfesta að gjöf í formi bankakorts er skattskyld Þau vilja stýra ÁTVR Býst ekki við að verðbólgan hafi áhrif á vaxtalækkunarferlið Um þrjátíu prósent hafa miklar áhyggjur af áhrifum tolla á Ísland Lauf Cycles lýkur tæplega 500 milljóna króna fjármögnun Verðbólga eykst hressilega og fer aftur yfir fjögur prósent Tæpur tveggja milljarða hagnaður á fyrsta ársfjórðungi Ráðinn forstjóri Arctic Fish Veitingamaður ákærður fyrir hundrað milljóna skattsvik Fokdýr dómsmál tjónka ekki við ÁTVR Veiðir hrefnu í sumar og selur kjötið á Íslandi Semja við Ístak um gerð mannvirkja fyrir fyrsta vindorkuver landsins Jón segir bull að FBI-kempa hafi óvænt bankað upp á með stefnu Ekki má vanmeta áhrifin af tollastríði á íslensk fyrirtæki Pizzur í stað smurbrauðs á nýrri Króníku Fjármögnun tryggð fyrir nýrri landeldisstöð Samherja Umræðan einkennist af rangfærslum um ofurhagnað Kaupsamningur undirritaður um Grósku Ísfélagið greiðir út tveggja milljarða arð Breyta Kaffi Kjós í íbúðarhús Reynst betur að kaupa fasteign en hlutabréf Sjá meira
Síðastliðið sumar tilkynnti Straumur-Burðarás um kaup á 51 prósents hlut í breska fjármálaráðgjafarfyrirtækinu Stamford Partners. Félagið, sem hefur starfsemi í London og Amsterdam, sérhæfir sig sérstaklega í ráðgjöf til evrópskra fyrirtækja í matvæla- og drykkjariðnaði og byggir starfsemi þess á sterkum tengslum við leiðandi fyrirtæki í greininni. Um miðjan október samþykkti breska samkeppniseftirlitið kaupin og er nú ekkert því til fyrirstöðu að félögin geti ráðist saman í verkefni. Leiðir Straums-Burðaráss og Stamford Partners geta legið saman á ýmsa vegu að sögn Nick Bartons, eins eigenda félagsins, sem staddur var hér á landi á dögunum þegar ársfjórðungsuppgjör Straums-Burðaráss var kynnt. "Hefðum við ekki tekið ákvörðun um að sameinast öðrum hefðum við sennilega ekki farið að auka við okkur á erlendri grundu, þar sem áhættan hefði verið of mikil fyrir okkur. Samstarfið við Straum-Burðarás gerir okkur kleift að komast inn á markaði eins og Þýskaland og Pólland, auk Skandinavíu. Þar eru möguleikarnir miklir í matvæla- og drykkjariðnaði, mörg fyrirtæki af minni stærðargráðu sem er einmitt sá markaður sem við höfum verið að einbeita okkur að."Ýmsar dyr gætu opnastStraumur-Burðarás og Stamford stefna í sameiningu á að hafa náð styrkri stöðu innan tveggja til fjögurra ára í Norður-Evrópu. Gera þau ráð fyrir að á þeirri leið verði leitast við að samþætta rekstur fyrirtækjanna eins og hægt er, sem muni koma báðum fyrirtækjum til góða. Milli fyrirtækjanna hefur verið gerður bindandi samningur um að Straumur-Burðarás kaupi hin 49 prósentin sem eftir eru þegar fram líða stundir. Það eru þó engar áætlanir uppi um að sameina félögin tvö, enda er Stamford Partners vel þekkt vörumerki í matvæla- og drykkjariðnaðinum.Tengsl Stamford Partners við leiðandi fyrirtæki í matvæla- og drykkjariðnaði koma til með að opna ýmsar dyr fyrir Straumi-Burðarási ef að líkum lætur. "Í starfi okkar komumst við oft á tíðum í kynni við frumkvöðla, ekki síst fólk sem starfar hjá stærri fyrirtækjum og hefur hug á að kaupa sitt eigið fyrirtæki. Þannig höfum við séð mörg tækifæri sem við höfum hingað til ekki haft möguleika á að nýta á annan hátt en þann að vinna sem ráðgjafar að kaupunum og fá fyrir það þóknun. Stærsta viðskiptatækifærið liggur nefnilega í því að hafa aðgang að fjármagni og hafa möguleikann á því að veita ekki bara ráðgjöf heldur að vinna að samningnum frá a til ö." Þarna kemur Straumur-Burðarás inn í dæmið því í sameiningu munu félögin geta boðið upp á ráðgjöf og fjármögnun á einum stað.Frumkvöðlaandinn mikilvægurBarton segir fleiri stóra fjárfestingarbanka hafa komið til máls við Stamford Partners um kaup á félaginu en Straumur-Burðarás hafi orðið fyrir valinu vegna frumkvöðlaandans sem ríkir innan fyrirtækisins. "Fólkið sem vinnur hjá Straumi-Burðarási hefur frumkvæði, það er tilbúið að ráðast í hlutina og það er sveigjanlegt. Þetta eru þau gildi sem hafa alltaf verið okkur hjá Stamford Partners mikilvæg. Margir stærri fjárfestingarbankar byggja líka á viðskiptamódeli sem virkar ekki fyrir okkur - að gera mjög stóra samninga og sjá um allt sem að honum kemur. Það virkar ekki mjög vel í matar- og drykkjariðnaðinum vegna þess að mjög stórir samningar eru fáir í hlutfalli við þá smærri. Þessi minni fyrirtæki sem við erum að fókusa á krefjast meiri sveigjanleika og frumkvöðlaanda í samningavenjum, vegna þess að oftar en ekki eru það frumkvöðlar sem sitja hinum megin borðsins."
Fréttaskýringar Undir smásjánni Viðskipti Mest lesið Engar viðræður fyrr en Trump fellir niður tolla Viðskipti erlent „Þetta er ömurleg staða“ Viðskipti innlent Segja afkomuna ásættanlega þrátt fyrir tap Viðskipti innlent Minni sala í skugga slæmra efnahagshorfa Viðskipti erlent Syndis kaupir Ísskóga Viðskipti innlent Sekta TikTok um tæpa áttatíu milljarða Viðskipti erlent Fokdýr jólagjöf til dætranna reyndist eintóm blekking Neytendur Mikill samdráttur á pöntunum til kínverskra verksmiðja Viðskipti erlent Þau vilja stýra ÁTVR Viðskipti innlent Landsbankinn hagnaðist um 7,9 milljarða á fyrsta ársfjórðungi Viðskipti innlent Fleiri fréttir Syndis kaupir Ísskóga Segja afkomuna ásættanlega þrátt fyrir tap „Þetta er ömurleg staða“ Landsbankinn hagnaðist um 7,9 milljarða á fyrsta ársfjórðungi Hætta við að selja hlutina í Olíudreifingu Tap á Vinnslustöðinni og fjárfestingar settar á ís Rannsaka meint samkeppnisbrot Landsvirkjunar Staðfesta frávísun vegna stefnu Samskipa í samráðsmáli Play tapaði þremur og hálfum milljarði á fyrsta ársfjórðungi Staðfesta að gjöf í formi bankakorts er skattskyld Þau vilja stýra ÁTVR Býst ekki við að verðbólgan hafi áhrif á vaxtalækkunarferlið Um þrjátíu prósent hafa miklar áhyggjur af áhrifum tolla á Ísland Lauf Cycles lýkur tæplega 500 milljóna króna fjármögnun Verðbólga eykst hressilega og fer aftur yfir fjögur prósent Tæpur tveggja milljarða hagnaður á fyrsta ársfjórðungi Ráðinn forstjóri Arctic Fish Veitingamaður ákærður fyrir hundrað milljóna skattsvik Fokdýr dómsmál tjónka ekki við ÁTVR Veiðir hrefnu í sumar og selur kjötið á Íslandi Semja við Ístak um gerð mannvirkja fyrir fyrsta vindorkuver landsins Jón segir bull að FBI-kempa hafi óvænt bankað upp á með stefnu Ekki má vanmeta áhrifin af tollastríði á íslensk fyrirtæki Pizzur í stað smurbrauðs á nýrri Króníku Fjármögnun tryggð fyrir nýrri landeldisstöð Samherja Umræðan einkennist af rangfærslum um ofurhagnað Kaupsamningur undirritaður um Grósku Ísfélagið greiðir út tveggja milljarða arð Breyta Kaffi Kjós í íbúðarhús Reynst betur að kaupa fasteign en hlutabréf Sjá meira