Fons nærri yfirtöku

Fons, eignarhaldsfélag Pálma Haraldssonar og Jóhannesar Kristinssonar, á orðið 29,2 prósent í norrænu ferðaskrifstofukeðjunni Ticket og stendur því nærri þrjátíu prósenta yfirtökumörkum sem gilda fyrir skráð félög á sænska markaðnum.

Fons hefur keypt tvö hundruð þúsund hluti sem samsvarar um fjórum prósentum hlutafjár. Jafnframt jók Lennart Käll, forstjóri Ticket, við hlut sinn.

Stjórnendur Ticket hafa boðað frekari yfirtökur á næstunni, en á dögunum keypti félagið MZ Travel Group sem sérhæfir sig í viðskiptaferðalögum.