Landsframleiðsla vex um 2,75 prósent

Landsframleiðsla á öðrum árfjórðungi þessa árs óx um 2,75 prósent að raungildi frá sama tíma í fyrra en hins vegar jukust þjóðarútgjöld um sjö prósent. Þetta leiða nýjar tölu Hagstofunnar í ljós. Útflutningur á ársfjórðungnum dróst saman líkt og fyrsta ársfjórðung ársins 2006 en til samanburðar jókst hann um 6,25 prósent á sama ársfjórðungi í fyrra. Tölurnar leiða einnig í ljós að vöxtur einkaneyslu í landinu hafi dregist mikið saman en hún jókst um 4,5 prósent á öðrum ársfjórðungi og hefur aukningin ekki verið minni frá því á síðasta ársfjórðungi ársins 2002.