Færast nær yfirtöku á House of Fraser

Fjárfestahópurinn Highland Acquisitions náði mikilvægum áfanga á leið sinni til yfirtöku á House of Fraser á þriðjudaginn. Þá lagði stór hluti eigenda HoF blessun sína yfir tillögu stjórnar um að samþykkja yfirtökutilboð frá Highland.

Að Highland standa meðal annars Baugur og FL Group og hljóðar tilboð hópsins upp á 148 pens á hlut.

Alls greiddu 90 prósent fundargesta, sem höfðu á bak við sig tæp 99 prósent atkvæða, tillögunni atkvæði sitt, en tíu prósent fundarmanna voru henni mótfallinn.

Fátt er því til fyrirstöðu að High­land taki yfir rekstur HoF í næsta mánuði og er reiknað með að félagið verði afskráð úr Kauphöllinni í Lundúnum þann 9. nóvember.