Byr með Urði rekstrarvörur

Byr ehf., eignarhaldsfélag Tæknivals hf., hefur keypt fyrirtækið Urðir rekstrarvörur ehf. Gengið var frá kaupunum 18. ágúst.

Urðir rekstrarvörur er sérhæft fyrirtæki í sölu á rekstrar- og fylgivöru fyrir tölvur og prentara auk þess sem fyrir­tækið hefur um árabil boðið öfluga viðgerðar- og tækniþjónustu á tölvubúnaði og jaðartækjum. Fyrirtækið verður rekið áfram sem sjálfstætt fyrirtæki, en í tilkynningu um kaupin kemur fram að efla eigi það enn frekar á sviði innflutnings og heildsölu.

Í kjölfar eigendaskiptanna var einnig gengið frá kaupum fyrirtækisins á öllum lager þrotabús Tölvudreifingar hf. og Expert hf. með það í huga að efla vöruframboð Urða rekstrarvara.