Straumur kaupir ráðgjafa í London

Straumur Burðarás fjárfestingarbanki hefur fest kaup á helmingshlut í breska ráðgjarfarfyrirtækinu Stamfort Partners i London. Breska fyrirtækið sérhæfir sig í ráðgjöf fyrir matvæla- og drykkjarvörufyrirtæki og eru þekkt fyrirtæki í þeim geira meðal viðskiptavina þess. Jafnframt hyggst Straumur opna útibú og hefja útlánastarfsemi í London síðar á árinu.

Seljaendur eru stofnendur fyrirtækisins og lykilstarfsmenn. Þeir munu allir starfa áfram hjá fyrirtækinu. VIð erum að fara inn á áhugverðan og mikilvægan markað og gerum það með kaupum á sérhæfðu fyrirtæki sem náð hefur frábærum árangri og sjáum möguleika í að samhæfa ráðgjöf og fjármögnun, segir Friðrik Jóhannsson forstjóri Straums Burðaráss

Markmið Straums með kaupunum er að koma sér fyrir á breska markaðnum sem er skilgreindur sem einn af kjarnamörkuðum bankans.

Guðmundur Þórðarson, framkvæmdastjóri fyrirtækjasviðs bankans segir seljendurnar sjá eins og Straumur mikil tækifæri í því að tengja saman ráðgjöfina og lánagetu Straums. Þeim finnst spennandi við þessi kaup að geta boðið sínum viðskiptavinum upp á fjölbreyttari þjónustu en þeir geta í dag.

Guðmundur segir kaupin lið í þeirri stefnu sem var mörkuð við sameiningu Straums og Burðaráss, þegar stefnan var sett á að bankinn yrði leiðandi fjárfestingarbanki á Norðurlöndunum og í Bretlandi. Straumur hefur þegar hafið starfsfsemi í Danmörku með því að byggja frá grunni. Hann segir London erfiðan markað þar sem mikil samkeppni ríki. Við völdum því þá leið að kaupa fremur en að byggja upp frá grunni. Það að við kaupum fyrirtæki sem þjónar þessum tilteknu atvinnugreinum, hefur enga merkingu í sjálfu sér. Þeir segja tækifærin liggja í að koma sér fyrir á markaði með öflugu samstarfi og breikka verkefnavalið út frá því.

Stjórnendur Stamford Partners hafa áratuga reynslu af ráðgjöf í matvæla og drykkjarvörugeiranum og höfðu fyrir stofnun unnið hjá fjárfestingarbönkum að slíkum verkefnum um árabil. Meðal viðskiptavina má nefna fyrirtæki eins og Northern Foods, Barilla og Cadbury Scweppes.

Þeir segja gríðarleg tækifæri í sameiningarverkefnum í matvælageiranum, en markmiðið sé að ná fótfestu á markaðnum og breikka tekjugrunn bankans þannig að hann verði leiðandi fjárfestingarbanki í Norður Evrópu.

Stamford Partners er ekki stórt fyrirtæki í sarfsmönnum talið en leiðandi á sínu sviði. Að kröfu seljenda eru ekki gefnar upp tölur um kaupverð og veltu. Þeir segja þó leitun að félagi sem skili jafn miklu á starfsmann og félagið njóti mikillar virðingar og kaupin stryki því Straum Burðaráss verulega á þessum markaði. Hugmyndin að kaupunum hafi komið upp þegar Straumur Burðarás vann með Stamford fyrr á árinu.