Keypti ráðandi hlut í 66°Norður 5. janúar 2005 00:01 Sigurjón Sighvatsson, kvikmyndaframleiðandi og athafnamaður, hefur keypt ráðandi hlut í 66°Norður-Sjóklæðagerðinni hf. Kaupin voru gerð í samvinnu við Sjóvá-Almennar hf. og var Íslandsbanki ráðgjafi kaupenda í kaupferlinu og sá um þá fjármögunun sem til þurfti. Samningur um kaupin var undirritaður í gær og Sigurjón og samstarfsaðilar taka við rekstri fyrirtækisins í dag. Sigurjón hefur verið hluthafi í 66°Norður um nokkurt skeið og fylgst með framþróum og uppbyggingu fyrirtækisins. Áhugi hans á 66°Norður kviknaði árið 1996 er hann átti sæti í stjórn bandaríska undirfataframleiðandans Joe Boxer. „Það ár komum við með tískusýningu hingað til lands og áttum gott samstarf við 66°Norður. Síðan hef ég fylgst náið með fyrirtækinu og fyrir nokkru keypti ég lítinn hlut í því. Þróunin leiddi svo til þess að ég gerði eigendum tilboð sem þeir tóku,“ segir Sigurjón. Ekki eru áformaðar neinar stórbreytingar árekstrarfyrirkomulagi fyrirtækisins nema að nýr framkvæmdastjóri verður ráðinn í stað Þórarins Elmars Jensen og ný stjórn verður kjörin. Sigurjón verður stjórnarformaður hinnar nýju stjórnar. Þórarinn keypti rekstur 66°Norður árið 1966 og hefur rekið fyrirtækið til dagsins í dag. Tilkynnt verður um nýjan forstjóra á næstu dögum. 66°Norður hefur starfað í nær 80 ár. Í dag starfa þar yfir 200 manns bæði hér á landi og erlendis. Stærstur hluti af framleiðslu 66°Norður fer fram í verksmiðju fyrirtækisins í Saldus í Lettlandi þar sem í dag starfa um 150 manns. Nýlega hafa verið fest kaup á annarri verksmiðju í Aizpute í Lettlandi sem mun taka til starfa nú í janúarlok. Ráðgert er að þar starfi um 100 manns í vibót þegar sú verksmiðja nær fullum afköstum um mitt ár 2006. Á Íslandi starfa um 65 manns við fyrirtækið en aðalstöðvarnar eru við Miðhrauni 11 í Garðabæ. Fyrirtækið rekur fimm eigin búðir í Reykjavik, Garðabæ og á Akureyri, auk útsölumarkaðar í Reykjavík. Auk þess eru umboðsverslanir á þremur stöðum á landsbyggðinni og umboðsmenn víðsvegar um landið. Velta 66°Norður er áætluð um 1200 milljónir króna árið 2005. Staða fyrirtækisins er mjög sterk á markaði hérlendis, að því er segir tilkynningu, en auk þess hefur 66°Norður verið í útrás erlendis undanfarið. Fyrirspurnir um vörur fyrirtækisins hafa borist frá fjölmörgum löndum og mikill áhugi er á vörunni um allan heim. Þórarinn Elmar segist mjög ánægður með Sigurjón Sighvatsson sem kaupanda. „Fyrirtækið verður íslenskt áfram eins og verið hefur. Sigurjón tekur við góðu fyrirtæki og getur gert sér góðar vonir um að það haldi sér á markaði. Fyrirtækið hefur gengið vel, er með góða hönnun og gott starfsfólk, hvort sem er hér heima eða erlendis. Það er langvarandi þekking innan fyrirtækisins, það hefur góða og langa ímynd á íslenskum markaði og undanfarin fjögur ár höfum við jafnframt starfað erlendis. Við höfum lagt áherslu á vandvirkni og gæði sem er stór hluti þess að vera lifandi á þessum markaði. Það verður að lifa á góðri ímynd sem skapast af miklum gæðum,“ segir Þórarinn Elmar. Sigurjón stefnir á að auka hlut 66°Norður á erlendum markaði verulega en þó ekki þannig að það bitni á starfseminni hér á landi. „Útrásin byggist á því að vel séð hlúð að íslenska markaðnum. Rætur 66°Norður eru hér á Íslandi og munu ekki týnast. Kjarninn í sögu og þróun 66°Norður er Ísland, þetta er íslensk vara þróuð við íslenskar aðstæður með gæðin að leiðarljósi. Fyrirtækið er þegar komið í útrás erlendis og reynsla mín að hafa starfað erlendis og unnið í erlendu umhverfi og byggt upp í fleiri löndum hjálpar til,“ segir Sigurjón. Og Sigurjón telur öruggt að 66°Norður muni tengjast kvikmyndaiðnaðinum en varan hefur m.a. sést í sjónvarpsþáttaröðinni Amazing Race. „Á næstunni er ég að fara að framleiða kvikmynd sem öll á að gerast í Alaska og þar verður að sjálfsögðu tenging við 66°Norður,“ segir Sigurjón Sighvatsson, nýr eigandi 66°Norður. Fréttir Innlent Viðskipti Mest lesið Besti svefninn níu mínúturnar á milli snúsa Atvinnulíf X-ið hans Musk virðist liggja niðri Viðskipti erlent Kallar eftir virðingu eftir tollahótanir Trump Viðskipti erlent Alcoa fellur frá þriggja milljarða króna skaðabótakröfu Viðskipti innlent Ný forysta Félags kvenna í atvinnulífinu kjörin Viðskipti innlent Högnuðust ríkulega en draga samt saman seglin í heimabyggð Viðskipti innlent Þorsteinn Már hættir hjá Samherja Viðskipti innlent Landsbankinn og Arion lækka vexti Neytendur Íslendingar vongóðir um að finna heitt vatn á Tenerife Viðskipti innlent Hálf öld af ástríðu og kappsemi – Bílabúð Benna fagnar 50 ára afmæli Samstarf Fleiri fréttir Ný forysta Félags kvenna í atvinnulífinu kjörin Alcoa fellur frá þriggja milljarða króna skaðabótakröfu Högnuðust ríkulega en draga samt saman seglin í heimabyggð Íslendingar vongóðir um að finna heitt vatn á Tenerife Kaupa fasteignirnar sem hýsa starfsemi Samskipa Valgerður Hrund hættir hjá Sensa Sannfærður um að fjárfestingin standi undir sér Stefán endurkjörinn formaður Þorsteinn Már hættir hjá Samherja Samþykktu að selja Perluna fyrir 3,5 milljarða Einar Bárðarson tekur við umdeildu félagi Brynja yfirmaður markaðseftirlits Nasdaq Iceland Gísli Þór og Jón Garðar nýir framkvæmdastjórar hjá Terra Ráðin þjónustustjóri atNorth á Akureyri Gunnar Örn og Haraldur Hilmar nýir forstöðumenn hjá Arion Setja spurningarmerki við umfjöllun um Climeworks Íbúðaverð hækkað um 14,5 prósent á tveimur árum Stjórnarandstaðan í vasa hagsmunaaðila Af og frá að slakað sé á aðhaldi Ráðinn markaðsstjóri Bónuss Aka um Ísland í allt sumar og mynda vegakerfið í þrívídd Of snemmt að segja til um hvort vaxtalækkunarferlinu sé lokið í bili „Ég held að þú þurfir ný gleraugu“ Úthluta eftirstandandi hlutum í Íslandsbanka Bein útsending: Rökstyðja ákvörðun sína um lækkun vaxta Reitir fasteignafélag og HR efna til hugmyndasamkeppni fyrir nemendur Vaxtalækkunarferlið heldur áfram Birta nýja ákvörðun um stýrivexti í dag Ráðuneytið ógilti lóðaúthlutun fyrir milljarða Tólf milljarða hagnaður á fyrsta ársfjórðungi Sjá meira
Sigurjón Sighvatsson, kvikmyndaframleiðandi og athafnamaður, hefur keypt ráðandi hlut í 66°Norður-Sjóklæðagerðinni hf. Kaupin voru gerð í samvinnu við Sjóvá-Almennar hf. og var Íslandsbanki ráðgjafi kaupenda í kaupferlinu og sá um þá fjármögunun sem til þurfti. Samningur um kaupin var undirritaður í gær og Sigurjón og samstarfsaðilar taka við rekstri fyrirtækisins í dag. Sigurjón hefur verið hluthafi í 66°Norður um nokkurt skeið og fylgst með framþróum og uppbyggingu fyrirtækisins. Áhugi hans á 66°Norður kviknaði árið 1996 er hann átti sæti í stjórn bandaríska undirfataframleiðandans Joe Boxer. „Það ár komum við með tískusýningu hingað til lands og áttum gott samstarf við 66°Norður. Síðan hef ég fylgst náið með fyrirtækinu og fyrir nokkru keypti ég lítinn hlut í því. Þróunin leiddi svo til þess að ég gerði eigendum tilboð sem þeir tóku,“ segir Sigurjón. Ekki eru áformaðar neinar stórbreytingar árekstrarfyrirkomulagi fyrirtækisins nema að nýr framkvæmdastjóri verður ráðinn í stað Þórarins Elmars Jensen og ný stjórn verður kjörin. Sigurjón verður stjórnarformaður hinnar nýju stjórnar. Þórarinn keypti rekstur 66°Norður árið 1966 og hefur rekið fyrirtækið til dagsins í dag. Tilkynnt verður um nýjan forstjóra á næstu dögum. 66°Norður hefur starfað í nær 80 ár. Í dag starfa þar yfir 200 manns bæði hér á landi og erlendis. Stærstur hluti af framleiðslu 66°Norður fer fram í verksmiðju fyrirtækisins í Saldus í Lettlandi þar sem í dag starfa um 150 manns. Nýlega hafa verið fest kaup á annarri verksmiðju í Aizpute í Lettlandi sem mun taka til starfa nú í janúarlok. Ráðgert er að þar starfi um 100 manns í vibót þegar sú verksmiðja nær fullum afköstum um mitt ár 2006. Á Íslandi starfa um 65 manns við fyrirtækið en aðalstöðvarnar eru við Miðhrauni 11 í Garðabæ. Fyrirtækið rekur fimm eigin búðir í Reykjavik, Garðabæ og á Akureyri, auk útsölumarkaðar í Reykjavík. Auk þess eru umboðsverslanir á þremur stöðum á landsbyggðinni og umboðsmenn víðsvegar um landið. Velta 66°Norður er áætluð um 1200 milljónir króna árið 2005. Staða fyrirtækisins er mjög sterk á markaði hérlendis, að því er segir tilkynningu, en auk þess hefur 66°Norður verið í útrás erlendis undanfarið. Fyrirspurnir um vörur fyrirtækisins hafa borist frá fjölmörgum löndum og mikill áhugi er á vörunni um allan heim. Þórarinn Elmar segist mjög ánægður með Sigurjón Sighvatsson sem kaupanda. „Fyrirtækið verður íslenskt áfram eins og verið hefur. Sigurjón tekur við góðu fyrirtæki og getur gert sér góðar vonir um að það haldi sér á markaði. Fyrirtækið hefur gengið vel, er með góða hönnun og gott starfsfólk, hvort sem er hér heima eða erlendis. Það er langvarandi þekking innan fyrirtækisins, það hefur góða og langa ímynd á íslenskum markaði og undanfarin fjögur ár höfum við jafnframt starfað erlendis. Við höfum lagt áherslu á vandvirkni og gæði sem er stór hluti þess að vera lifandi á þessum markaði. Það verður að lifa á góðri ímynd sem skapast af miklum gæðum,“ segir Þórarinn Elmar. Sigurjón stefnir á að auka hlut 66°Norður á erlendum markaði verulega en þó ekki þannig að það bitni á starfseminni hér á landi. „Útrásin byggist á því að vel séð hlúð að íslenska markaðnum. Rætur 66°Norður eru hér á Íslandi og munu ekki týnast. Kjarninn í sögu og þróun 66°Norður er Ísland, þetta er íslensk vara þróuð við íslenskar aðstæður með gæðin að leiðarljósi. Fyrirtækið er þegar komið í útrás erlendis og reynsla mín að hafa starfað erlendis og unnið í erlendu umhverfi og byggt upp í fleiri löndum hjálpar til,“ segir Sigurjón. Og Sigurjón telur öruggt að 66°Norður muni tengjast kvikmyndaiðnaðinum en varan hefur m.a. sést í sjónvarpsþáttaröðinni Amazing Race. „Á næstunni er ég að fara að framleiða kvikmynd sem öll á að gerast í Alaska og þar verður að sjálfsögðu tenging við 66°Norður,“ segir Sigurjón Sighvatsson, nýr eigandi 66°Norður.
Fréttir Innlent Viðskipti Mest lesið Besti svefninn níu mínúturnar á milli snúsa Atvinnulíf X-ið hans Musk virðist liggja niðri Viðskipti erlent Kallar eftir virðingu eftir tollahótanir Trump Viðskipti erlent Alcoa fellur frá þriggja milljarða króna skaðabótakröfu Viðskipti innlent Ný forysta Félags kvenna í atvinnulífinu kjörin Viðskipti innlent Högnuðust ríkulega en draga samt saman seglin í heimabyggð Viðskipti innlent Þorsteinn Már hættir hjá Samherja Viðskipti innlent Landsbankinn og Arion lækka vexti Neytendur Íslendingar vongóðir um að finna heitt vatn á Tenerife Viðskipti innlent Hálf öld af ástríðu og kappsemi – Bílabúð Benna fagnar 50 ára afmæli Samstarf Fleiri fréttir Ný forysta Félags kvenna í atvinnulífinu kjörin Alcoa fellur frá þriggja milljarða króna skaðabótakröfu Högnuðust ríkulega en draga samt saman seglin í heimabyggð Íslendingar vongóðir um að finna heitt vatn á Tenerife Kaupa fasteignirnar sem hýsa starfsemi Samskipa Valgerður Hrund hættir hjá Sensa Sannfærður um að fjárfestingin standi undir sér Stefán endurkjörinn formaður Þorsteinn Már hættir hjá Samherja Samþykktu að selja Perluna fyrir 3,5 milljarða Einar Bárðarson tekur við umdeildu félagi Brynja yfirmaður markaðseftirlits Nasdaq Iceland Gísli Þór og Jón Garðar nýir framkvæmdastjórar hjá Terra Ráðin þjónustustjóri atNorth á Akureyri Gunnar Örn og Haraldur Hilmar nýir forstöðumenn hjá Arion Setja spurningarmerki við umfjöllun um Climeworks Íbúðaverð hækkað um 14,5 prósent á tveimur árum Stjórnarandstaðan í vasa hagsmunaaðila Af og frá að slakað sé á aðhaldi Ráðinn markaðsstjóri Bónuss Aka um Ísland í allt sumar og mynda vegakerfið í þrívídd Of snemmt að segja til um hvort vaxtalækkunarferlinu sé lokið í bili „Ég held að þú þurfir ný gleraugu“ Úthluta eftirstandandi hlutum í Íslandsbanka Bein útsending: Rökstyðja ákvörðun sína um lækkun vaxta Reitir fasteignafélag og HR efna til hugmyndasamkeppni fyrir nemendur Vaxtalækkunarferlið heldur áfram Birta nýja ákvörðun um stýrivexti í dag Ráðuneytið ógilti lóðaúthlutun fyrir milljarða Tólf milljarða hagnaður á fyrsta ársfjórðungi Sjá meira